TRENDING:
नेमकं काय घडलं?
मिळालेल्या माहितीनुसार, जळगावच्या भडगाव तालुक्यातील वाक येथील राकेश पाटील आपल्या घरासमोर उभे होते. यावेळी इंडिका व्हिस्टा कारमधील योगेश याने त्यांना जोरदार धडक दिली. यानंतर आरोपींनी कारमधून उतरून राकेश यांच्या मानेवर आणि मनगटावर तलवारीने वार केले. आरोपी एवढ्यावरच थांबले नाहीत, तर त्यांनी राकेश पाटील यांचे वडील आणि काकांवरही तलवारने वार केले.
advertisement
तर उमेश याने लाकडी दांडकाने मारहाण केली. यावेळी आरोपी चिथावणी देत म्हणाले की, यांना सोडू नका, कापून टाका. या हल्ल्यात राकेश पाटील यांच्यासह इतर दोन जण गंभीर जखमी झाले असून त्यांना उपचारासाठी धुळे येथील रुग्णालयात रवाना करण्यात आले आहे. या घटनेची माहिती मिळताच पोलिसांनी घटनास्थळी धाव घेत, घटनास्थळाचा पंचनामा केला आहे.
राकेश पाटील यांच्या फिर्यादीवरून मारेकरी योगेश, उमेश, सतीश, अक्षय, अशा चारही संशयित आरोपींविरोधात भडगाव पोलीस ठाण्यात खूनाच्या प्रयत्नासह इतर कलमांतर्गत गुन्हा दाखल केला आहे. यातील मारेकरी सतीश नामक तरुणाला अटक करण्यात आली. या घटनेचा पुढील तपास केला जात आहे.