TRENDING:

Latur Crime News : पोलीस ठाण्यासमोरच एकाला दगडाने ठेचून संपवलं! लातूरमध्ये उडाली खळबळ

Last Updated:

Latur Crime News : लातूरमध्ये शिवाजीनगर पोलीस ठाण्याबाहेर एका भिकाऱ्याची दगडाने ठेचून हत्या झाली. पोलिसांनी आकस्मिक मृत्यूचा गुन्हा दाखल केला असून सीसीटीव्ही फुटेज तपासत आहेत.

impactshort
इम्पॅक्ट शॉटतुमचा गेटवे लेटेस्ट न्यूज
advertisement
शशिकांत पाटील, प्रतिनिधी, लातूर : राज्यातील कायदा-सुव्यवस्थेला नेमकं झालंय काय, असा प्रश्न सध्या उपस्थित होत आहे. बीडमध्ये उघडकीस येणाऱ्या अनेक प्रकरणांनी पोलिसांच्या कार्यक्षमतेवर सवाल उपस्थित होऊ लागले आहे. तर, दुसरीकडे लातूरमध्ये पोलीस ठाण्याबाहेरच एकाची हत्या करण्यात आली असल्याचे समोर आले आहे. या व्यक्तीची दगडाने ठेचून हत्या केली असल्याचे म्हटले जात आहे.
News18
News18
advertisement

 चहावाल्याने पाहिलं अन्...

लातूर शहरातील शिवाजीनगर पोलीस ठाण्याच्या पुढेच एका भिकाऱ्याचा दगडाने ठेचून हत्या केल्याची खळबळजनक घटना घडली आहे. पोलीस ठाण्याच्या अगदी पुढे असलेल्या फुटपाथवर हा अज्ञात भिकारी रात्री झोपला होता. मात्र त्या ठिकाणी असलेल्या एका चहावाल्याच्या सकाळी लक्षात आल्यानंतर पोलिसांचे याकडे लक्ष गेलं. त्यानंतर ही घटना उघडकीस आली.

advertisement

पोलीस ठाण्याबाहेर घटना, पोलिसांच्या लक्षात का आली नाही?

टॉप व्हिडीओज

सर्व पहा
Krushi Market: मक्याचे दर भुईसपाट! कांदा, सोयाबिनला रविवारी किती मिळाला भाव?
सर्व पहा

लातूर शहरातील छत्रपती शिवाजी महाराज चौक हे अत्यंत वर्दळीचे ठिकाण आहे. मध्यरात्री शिवाजीनगर पोलीस ठाण्याच्या पुढेच झोपलेल्या भिकाऱ्याच्या डोक्यात दगड घातल्यामुळे हा खून झाल्याचा प्राथमिक अंदाज व्यक्त केला जात आहे. मात्र या घटनेबाबत सकाळ उजडेपर्यंत शिवाजीनगर पोलिसांच्या लक्षात कसे आले नाही? असा सवाल आता उपस्थित केला जात आहे. दरम्यान या प्रकरणी लातूरच्या शिवाजीनगर पोलीस ठाण्यात आकस्मिक मृत्यूचा गुन्हा दाखल करण्यात आला आहे. पोलीस परिसरातील सीसीटीव्ही फुटेज तपासत असून मारेकऱ्याचा शोध घेत असल्याची माहिती पोलीस निरीक्षक दिलीप सागर यांनी दिली आहे. या घटनेमुळे मात्र लातूरमध्ये मोठी खळबळ उडाली आहे.

advertisement

मराठी बातम्या/क्राइम/
Latur Crime News : पोलीस ठाण्यासमोरच एकाला दगडाने ठेचून संपवलं! लातूरमध्ये उडाली खळबळ
बातम्या
फोटो
व्हिडिओ
लोकल