आई नव्हे, ही तर कैदाशीन! 2 वर्षांच्या चिमुकल्याला फेकलं तलावात, म्हणते, 'हे मूल भुता-प्रेताचं होतं'

जादूटोणा आणि तंत्र-मंत्राची चर्चा

या प्रकरणात जादूटोणा आणि तंत्र-मंत्राची चर्चा होत असून, आरोपी महिलेची मानसिक स्थितीही ठीक नसल्याचं बोललं जात आहे. मात्र, पोलिसांनी सांगितलं की, प्रत्यक्षदर्शींच्या माहिती आणि जबाबाच्या आधारावरच प्रकरणाचा सखोल तपास केला जात आहे. पोलिसांकडून मिळालेल्या माहितीनुसार, ही संपूर्ण दुर्दैवी घटना रविवारी रात्री 10 वाजता घडली.

मुलाला घेऊन आई गायब झाली होती आई

advertisement

बीपीटीपी चौकाजवळ असलेल्या आग्रा कालव्याच्या पाण्यात एका महिलेने आपल्या मुलाला फेकल्याची माहिती पोलिसांना मिळाली. माहिती मिळताच बीपीटीपी पोलीस ठाण्याचे पथक तात्काळ घटनास्थळी पोहोचले आणि त्यांनी महिलेला ताब्यात घेतलं. पोलिसांनी ताब्यात घेतलेल्या 38 वर्षीय महिलेचं नाव मेघा असं आहे. मेघा ही फरीदाबादमधील सैनिक कॉलनी, एच ब्लॉक येथे राहणारी असून ती गृहिणी आहे. 11 मे च्या संध्याकाळी मेघा अचानक आपल्या 2 वर्षांच्या मुलाला सोबत घेऊन घरातून कुठे तरी निघून गेली होती. कुटुंबियांनी तिचा खूप शोध घेतला होता, पण ती कुठेही सापडली नव्हती.

एका महिलेने पाहिलं आणि पोलिसांना सांगितलं

मेघाला आपल्या मुलाला कालव्यात फेकताना एका महिलेने प्रत्यक्ष पाहिलं. या प्रत्यक्षदर्शी महिलेने सांगितलं की, त्या वेळी त्या त्यांच्या मुलीला सोडायला जात होत्या. त्यांनी मेघाला मुलाला कडेवर घेऊन कालव्यावर उभे पाहिले. त्यांच्या डोळ्यादेखत काही क्षणातच मेघाने त्या चिमुकल्या मुलाला कुठलाही विचार न करता कालव्याच्या वेगाने वाहणाऱ्या पाण्यात फेकून दिलं. हा प्रकार पाहून त्यांना मोठा धक्का बसला. यानंतर आम्ही तात्काळ पोलिसांना या भयानक घटनेची माहिती दिली.

तो जिन्नचा मुलगा होता, म्हणून फेकून दिलं; जादूटोण्याचा संशय

या घटनेमागे जादूटोणा किंवा तंत्र-मंत्राचा काही प्रकार असण्याची शक्यता वर्तवली जात आहे. पोलीस म्हणतात की, आम्ही या दिशेने देखील तपास करत आहोत. महिलेने सुरुवातीला पोलिसांना असं सांगितलं होतं की, "तो जिन्नचा (भूत-प्रेत) मुलगा होता, म्हणून तिने त्याला फेकून दिलं", पण नंतर तिने हे विधान बदललं. महिलेचा पती कपिल लुक्रा हे एका खाजगी कंपनीत कामाला आहेत.

महिलेची मानसिक स्थिती बिघडलेली होती, उपचार सुरू होते

बीपीपी पोलीस ठाण्याचे प्रभारी अरविंद यांनी सांगितलं की, आरोपी महिलेची मानसिक स्थिती बिघडलेली होती. तिच्यावर गेल्या बऱ्याच दिवसांपासून मानसिक उपचारासाठी दवाखान्यात उपचार सुरू होते. त्यांनी सांगितलं की, प्राथमिक तपासात महिलेने आपल्या मुलाला कालव्याच्या पाण्यात फेकल्याचं समोर आलं आहे आणि याला प्रत्यक्षदर्शींचाही दुजोरा आहे. सध्या युद्धपातळीवर मुलाचा कालव्याच्या पाण्यात शोध सुरू आहे. पोलीस म्हणतात की, संपूर्ण प्रकरणाचा आम्ही गांभीर्याने आणि विविध कोनातून तपास करत आहोत.

हे ही वाचा : बायको-मुलाला खोलीत कोंडून ठेवलं, मग घरात घुसून नवऱ्याची क्रूरपणे हत्या, मुलाचा गंभीर आरोप

हे ही वाचा : 'तुम्ही मला मत का नाही दिलं?', या रागातून सरपंचाने घेतला सेवानिवृत्त कॅप्टनचा जीव, मुलगा म्हणाला...