TRENDING:
बिग बॉसच्या नव्या प्रोमोमध्ये पाहायला मिळतंय, बिग बॉसने स्पर्धकांना राशन टास्क दिला आहे. 'मिशन राशन' हा आठवड्याच्या राशनसाठी सर्व स्पर्धकांना हा टास्क पूर्ण करावा लागणार आहे. 'मेहनतीचं दार' निवडून घरात आलेले काही स्पर्धक या टास्कमध्ये खेळताना दाखवले आहेत.
advertisement
स्टोअर रूममधून मोठी भांडी ठेवली आहेत जी गार्डन एरियामध्ये घेऊन यायची आहेत. ज्यात मोठे टोप, झाकणं, चमचे आणि बरंच काही दिवस आहेत. काही जण भांडी बाहेर काढत आहेत काही ती नीट लावताना दिसत आहेत. प्रभू शेळके स्विमिंग पूलमधून पाणी काढताना दिसतोय. हा टास्क प्रचंड मेहनतीचा असल्याचं दिसतंय. पण एवढी मोठी भांडी पाहून सरकारच्या मात्र पोटात गोळा आला. टास्क संपताच ती बेशुद्ध होताना दिसतेय. बिग बॉस डॉक्टर म्हणून कोणीतरी ओरडताना दिसतंय.
प्रोमोच्या शेवटची सरकार म्हणजेच दिव्या शिंदे म्हणते, इतकी भांडी आहेत म्हणजे काय अख्ख्या जिल्ह्याची भांडी दिलीत का घासायला? त्यानंतर ती जमिनीवर कोसळले. 'मिशन राशन' टास्कमध्ये दिव्याची प्रकृती बिघडल्याचे प्रोमोमधून पाहायला मिळत आहेत.
या प्रोमोवर सोशल मीडियावर जोरदार चर्चा सुरू झाली आहे. अनेक नेटकऱ्यांनी दिव्या शिंदेच्या प्रकृतीबद्दल चिंता व्यक्त करत तिला सपोर्ट केला आहे. मात्र काहींनी तिला चांगलंच ट्रोल केलं आहे. एकानं लिहिलंय, 'मेहनतीचं दार स्वतः निवडलं आणि पहिल्याच टास्कला बेशुद्ध पडली'. दुसऱ्यानं लिहिलंय, 'दिव्या मॅडम बेशुद्ध पडायला आल्या'. आणखी एकानं लिहिलंय, 'बस निकल गयी हवा'
आता दिव्या शिंदेला नेमकं काय झालं, घरात डॉक्टर येणार का, आणि हा टास्क पूर्ण होणार की रद्द केला जाणार हे सगळं आजच्या भागात पाहायला मिळणार आहे.