बॉलिवूडमध्ये करिअर करायला आलेल्या ममताचं आयुष्य नेहमीच वादात राहिलं. तिच्या आयुष्यात अनेक उतार चढाव आले. तिचं नाव अंडवर्ल्ड डॉन छोटा राजनशी जोडण्यात आलं होतं. 1998 साली दोघांच्या नात्याची खूप चर्चा झाली.
'चायना गेट' या सिनेमाच्या सेटवर घडलेल्या घटनेनंतर ममताचं अंडरवर्ल्डशी नातं वाढलं. राजन बॉलिवूडच्या अनेक फिल्ममेकर्सना धमक्या देऊ लागला होता. अंडरवर्ल्डशी कनेक्शनचा ममताच्या करिअरवर मोठा परिणाम झाला. राजकुमार संतोषी यांच्याबरोबर मतभेद झाल्यामुळे तिला सिनेमातून काढण्यात आलं. तिने राजकुमार संतोषी यांच्यावर लैंगिक संबंध ठेवण्याचा प्रयत्न केल्याचा आरोपही लावला होता.
advertisement
दरम्यान ममता कुलकर्णीनं अनेक वर्षांनी अंडरवर्ल्ड डॉन दाऊदवर भाष्य केलं आहे. गोरखपुरमध्ये एका प्रेस कॉन्फरन्समध्ये बोलताना ममत म्हणाली, "दाऊद इब्राहिम आतंकवाद नाही. तो ना कोणी आतंकवादी आहे ना कोणत्या बॉम्ब ब्लॉस्टच्या घटनेशी त्याचा संबंध आहे. मिडिया आणि राजकीय ताकदीने एक कट करून त्याचं नाव बदनाम केलं. कोणीही गुन्हेगार सिद्ध होण्यासाठी त्याच्यावरचे आरोप सिद्ध होणं गरजेचं आहे. प्रचार केला म्हणून कोणी अपराधी होत नाही."
ममता पुढे म्हणाली, "दाऊदशी माझा दूर दूरवर कोणताही संबंध नाही. एका व्यक्तीचं नाव नक्कीच होतं. पण तुम्ही बघा, त्याने कधीही बॉम्बस्फोट केला नाही. त्याने देशविरोधी असं कोणतंही काम केलं नाही. ज्याचं नाव ( विक्की गोस्वामी ) माझ्या नावाशी जोडण्यात आलं त्या व्यक्तीनेही कधीच बॉम्बस्फोट केला नाही. मी माझ्या आयुष्यात कधीही दाऊदला भेटले नाही."