TRENDING:
'उत्तर'च्या ट्रेलर लॉन्च सोहळ्याला काजोल आणि तिची आई, ज्येष्ठ अभिनेत्री तनुजा यांनी खास पाहुणे म्हणून उपस्थिती लावली होती. काजोलने 'उत्तर' चित्रपटाच्या ट्रेलरचे कौतुक केले आणि हा चित्रपट ती तिच्या आईसोबत मोठ्या पडद्यावर पाहणार असल्याचे सांगितले.
पालक आणि मुलांमध्ये भांडणे होणे खूप आवश्यक
कार्यक्रमादरम्यान काजोलला तिच्या मुलांसोबतच्या बाँडिंगबद्दल विचारले असता, तिने दिलेले उत्तर ऐकून सगळेच थक्क झाले. काजोल म्हणाली, "देवाला धन्यवाद की माझी मुलगी न्यासा इथे नाहीये, नाहीतर ती लगेच माझ्यासोबत यावरही भांडली असती. पण हे अगदी खरे आहे. पालक आणि मुलांमध्ये भांडणे होणे खूप आवश्यक आहे."
advertisement
Smriti Mandhana : लग्न पुढे ढकल्यानंतर स्मृती पलाशचा मोठा निर्णय,थेट सोशल मीडियावरच जगजाहीर केला
ती पुढे म्हणाली, "जेव्हा मुले आपल्याशी वाद घालतात, तेव्हा आपल्याला कळते की आपण एक असे मन वाढवले आहे, जे आपल्याशी वाद घालते आणि ज्याला त्याचे स्वतःचे मत आहे. याचा अर्थ, आपण आपल्या मुलांना स्वतःच्या पायावर उभे राहून विचार करायला शिकवले आहे. जेव्हा ते माझ्याशी वाद घालतात, तेव्हा मी त्याला एक कॉम्प्लिमेंट मानते."
तनुजा यांनी उघड केले काजोलचे सत्य
या चर्चेत तनुजा यांनीही उडी मारली आणि 'काजोलही लहानपणी माझ्याशी खूप भांडायची' असे सांगून सगळ्यांनाच हसवलं. तनुजा यांच्या बोलण्यावर काजोलने हसून लगेच नकार दिला, "मम्मा, मी तुझ्याशी कधीच भांडले नाही." यावर तनुजा म्हणाल्या, "तू तर नेहमी भांडायचीस!"