संघर्षमय प्रवास
स्नेहा दुधाळ हिचे वडील महादेव दुधाळ हे शिक्षक होते. कोरोना काळात त्याचं निधन झालं. घरातील कर्ताधर्ता आधार गेला आणि घरावर दुःखाची छाया पसरली. परंतु खचून न जाता स्नेहाने मोठ्या हिमतीने राज्यस्तरावर राष्ट्रीय स्तरावर नृत्याच्या अनेक स्पर्धा प्रथम क्रमांकाने जिंकल्या आहेत. आपल्या नृत्य कौशल्याची जादू तिनं आतरराष्ट्रीय पातळीवरही दाखवली आहे.
advertisement
पेन्शनच्या पैशातून वृक्षसंवर्धनाचा वसा, ओसाड माळावर फुलवली फळबाग, Video
मोबाईल पाहून शिकले डान्स
स्नेहाच्या घरातील परिस्थिती बेताची असल्याने तिने कुठलाही क्लास केला नाही. मोबाईलवर पाहून ती घरीच डान्स शिकते. जिद्द आणि चिकाटीच्या जोरावर तिनं मोठं यश संपादन करतेय. स्नेहाला पुढील शिक्षणासाठी डान्स क्लासेससाठी व नृत्य स्पर्धेसाठी आर्थिक मदतीची गरज भासतेय. त्यामुळे सरकारने आर्थिक मदत करावी, अशी मागणी पाथरूड येथील ग्रामस्थांकडून करण्यात येतेय.
ग्रामस्थांच्या मदतीने सिंगापूर दौरा
स्नेहाला सिंगापूर पर्यंतच्या प्रवासासाठी आर्थिक मदतीची गरज होती. त्यासाठी पाथरूड येथील गावकऱ्यांनी आणि नातेवाईकांनी स्नेहाला 1.5 लाखांची आर्थिक मदत दिली. याच मदतीमुळे स्नेहाचे एक स्वप्न पूर्ण झाले. मिळालेल्या संधीचं सोनं करत स्नेहानं सिंगापूरमधील आंतरराष्ट्रीय नृत्य स्पर्धेत द्वितीय क्रमांक पटकावला. या यशाबद्दल तिच्यावर कौतुकाचा वर्षाव होतोय.
धाराशिवच्या शेतकऱ्याची कमाल, टोकन पद्धतीनं लावली तूर अन् शेंगानं लगडलं झाड
शेतीच्या कामात स्नेहाची मदत
स्नेहाने आत्तापर्यंत अनेक स्पर्धांमध्ये प्रथम क्रमांक मिळवला आहे. ती घरकामात आईला मदत करते. तसेच शेतीची कामेही ती करते. स्नेहा खूप मोठी कलाकार व्हावी, तिचं स्वप्न तिनं पूर्ण करावं, अशी आईची इच्छा आहे. तर त्यासाठी नातेवाईक आणि गावकऱ्यांचे प्रयत्न आहेत. स्थानिक लोकप्रतिनिधी आणि सरकारने तिला आर्थिक मदत करावी. स्नेहाच्या पाठीमागे आर्थिक बाजू घेऊन सक्षमपणे उभे राहावे, असे आवाहन वागली पाथरुड ग्रामस्थांच्या वतीने करण्यात येत आहे.