TRENDING:
'वचन दिले तू मला'चा प्रोमो आऊट
'आई कुठे काय करते' मालिकेमुळे मिलिंद गवळी यांचे पात्र घराघरात पोहोचले होते. आता याच वाहिनीवर त्यांची 'वचन दिले तू मला' ही नवीन मालिका लवकरच सुरू होत आहे. मिलिंद गवळींचे हे स्टार प्रवाहवरील कमबॅक असून, या नवीन मालिकेचा प्रोमो नुकताच प्रेक्षकांच्या भेटीला आला आहे. ही बहुचर्चित मालिका येत्या १५ डिसेंबरपासून प्रेक्षकांच्या भेटीला येणार आहे. त्यामुळे मिलिंद गवळी यांना नव्या भूमिकेत पाहण्यासाठी त्यांचे चाहते प्रचंड उत्सुक आहेत.
advertisement
TV विश्वात लग्नाची लगबग! पूजा बिरारी आणि सोहम बांदेकरचा हटके हॅशटॅग होतोय ट्रेंड, तुम्ही पाहिला का?
ही मालिका वकिली पेशावर आधारित असल्याचे प्रोमोतून स्पष्ट होत आहे. या कथानकाचा केंद्रबिंदू आई-वडील आणि त्यांच्यातील नातेसंबंधांभोवती फिरणारा आहे, असा अंदाज व्यक्त होत आहे.
मिलिंद गवळी यांच्यासोबत तगडी स्टारकास्ट
'वचन दिले तू मला' या मालिकेत मिलिंद गवळी यांच्यासोबत अभिनेत्री अनुष्का सरकटे आणि इंद्रनील कामत हेही मुख्य भूमिकेत दिसणार आहेत. मिलिंद गवळी यांनी 'अनिरुद्ध' ही नकारात्मक छटा असलेली भूमिका खूप प्रभावीपणे साकारली होती. आता नव्या मालिकेत ते कोणत्या प्रकारची भूमिका साकारतात, याकडे सगळ्यांचे लक्ष लागले आहे.
'मी सावित्रीबाई जोतीराव फुले'चीही चर्चा
'वचन दिले तू मला' मालिकेव्यतिरिक्त स्टार प्रवाहने आणखी एका महत्त्वाकांक्षी मालिकेची घोषणा केली आहे. 'मी सावित्रीबाई जोतीराव फुले' या मालिकेमुळे सध्या चर्चांना उधाण आले आहे. 'आई कुठे काय करते' नंतर अभिनेत्री मधुराणी प्रभुलकर या सिरीअलमधून कमबॅक करत असून, ती सावित्रीबाई फुले यांची भूमिका साकारणार आहेत. तर खासदार आणि अभिनेते अमोल कोल्हे हे महात्मा जोतीराव फुले यांच्या भूमिकेत दिसणार आहेत.