खरंतर, कोरोना आता हाँगकाँगमध्ये त्याचे खरे रंग दाखवत आहे. कोरोना विषाणूची प्रकरणे सतत वाढत आहेत. सेंटर फॉर हेल्थ प्रोटेक्शनमधील संसर्गजन्य रोग शाखेचे प्रमुख अल्बर्ट औ म्हणतात की, कोरोना विषाणूची क्रिया आता खूप उच्च पातळीवर पोहोचली आहे. ते म्हणाले की, कोविड-१९ साठी पॉझिटिव्ह आलेल्या नमुन्यांची टक्केवारी एका वर्षातील उच्चांकावर पोहोचली आहे. कोरोनाच्या आकडेवारीवरून रुग्णांमध्ये चिंताजनक वाढ दिसून येते. म्हणजेच, केवळ कोरोनाची प्रकरणे येत नाहीत तर त्यामुळे मृत्यूही होत आहेत.
advertisement
हाँगकाँगमधील कोविड प्रकरणं
हाँगकाँगमध्ये कोरोनाचे रुग्ण आणि मृत्यू हे जवळपास एका वर्षातील सर्वोच्च पातळीवर पोहोचले आहेत. 3 मे च्या आठवड्याच्या शेवटी हाँगकाँगमध्ये कोरोना विषाणूमुळे 31 मृत्यू झाले. गेल्या दोन वर्षांच्या तुलनेत कोरोना संसर्ग अद्याप शिखरावर पोहोचलेला नाही ही दिलासादायक बाब आहे. कोविडसाठी डॉक्टरांकडे जाणाऱ्या लोकांच्या संख्येत आणि रुग्णालयात दाखल होणाऱ्या रुग्णांच्या संख्येत मोठी वाढ झाली आहे. यावरून असं दिसून येतं की 70 लाखांपेक्षा जास्त लोकसंख्या असलेल्या या शहरात कोरोनाचा संसर्ग पसरत आहे.
बापरे! 14किमी/सेकंद इतका स्पीड, पाऊस-चक्रीवादळाशिवाय आणखी एक मोठं संकट, काय आहे ते?
कोरोनाने पुन्हा एकदा सामान्य माणसासोबतच उच्चभ्रूंनाही वेठीस धरायला सुरुवात केली आहे. हाँगकाँगमधील गायक ईसन चानला कोविड-19 ची लागण झाली आहे. कॉन्सर्टच्या अधिकृत वेइबो अकाउंटवरील पोस्टनुसार, या आठवड्यात तैवानमधील काओशुंग इथं होणारे त्यांचे कॉन्सर्ट रद्द करण्यात आले आहेत.
सिंगापूरमध्येही कोरोनाबाबत हाय अलर्ट
या महिन्यात सिंगापूरमधील आरोग्य मंत्रालयाने जवळजवळ एका वर्षात प्रथमच संसर्गाच्या आकडेवारीचे अपडेट जारी केले आहे. 3 मे रोजी आठवड्याच्या शेवटी अंदाजे कोरोना प्रकरणांमध्ये 28 टक्के वाढ झाल्याचं उघड झालं आहे. गेल्या आठवड्याच्या तुलनेत या आठवड्यात कोरोनाचे 14200 नवीन रुग्ण आढळले. दररोज रुग्णालयात दाखल होणाऱ्या लोकांची संख्याही सुमारे 30 टक्क्यांनी वाढली आहे. तथापि, सिंगापूरमध्ये कोविडच्या प्रकरणांमध्ये वाढ होत असली तरी, आरोग्य मंत्रालयाचं म्हणणं आहे की पसरणारे नवीन प्रकार अधिक संसर्गजन्य आहेत किंवा पूर्वीपेक्षा जास्त गंभीर आजार निर्माण करत आहेत असे कोणतेही संकेत अद्याप मिळालेले नाहीत.
BP Heart Attack : ब्लड प्रेशर किती वाढला की हार्ट अटॅक येतो?
आशियातील इतर देशांमध्ये काय परिस्थिती?
चायनीज सेंटर फॉर डिसीज कंट्रोल अँड प्रिव्हेन्शनच्या आकडेवारीवरून असं दिसून येतं की चीनमध्येही कोरोनाने डोकं वर काढायला सुरुवात केली आहे. चीनमधील रुग्णालयांमध्ये आता कोविड पॉझिटिव्ह रुग्ण आढळत आहेत. त्याच वेळी, थायलंडच्या रोग नियंत्रण विभागाने देखील कोरोना प्रकरणांमध्ये वाढ झाल्याचं नोंदवलं आहे. भारतात सध्या कोरोनाचे रुग्ण आढळत नाहीत ही दिलासादायक बाब आहे. त्यामुळे सध्या इथं घाबरण्याची गरज नाही.
इतकी भीती का?
साधारणपणे, हिवाळ्याच्या काळात श्वसनाचे विषाणू अधिक सक्रिय असतात. पण यावेळी उन्हाळा सुरू होताच कोरोनाचे रुग्ण वाढू लागले. यावरून हे स्पष्ट होते की उन्हाळ्यातही कोरोना विषाणू वेगाने पसरू शकतो आणि मोठ्या संख्येने लोकांना आजारी बनवू शकतो.