ठाण्यातील निकिता पाटील ही मराठी मुलगी आहे. कोरोना काळात तिचं बीएससीचं शिक्षण झालं. या शिक्षणावर नोकरी मिळणं अवघड होतं. त्यामुळं निकितानं नोकरीचा शोध घेण्याऐवजी स्वत:चा व्यवसाय सुरू करण्याचा निर्णय घेतला. तिला खाद्यपदार्थांच्या व्यवसायात रुची होती. त्यामुळे तिनं मिसळ कट्टा सुरू करण्याचा निर्णय घेतला, असं ती सांगते.
आता ठाण्यात खा चिकन कात्सू जापनीज पदार्थ; पाहा बनतो कसा Video
advertisement
कुटुंबीयांकडून सुरुवातीला विरोध
निकिताच्या निर्णयास सुरुवातीला घरातूनच विरोध झाला. 22 वर्षीय मुलीनं व्यवसाय करण्याऐवजी नोकरी करावी असंच त्यांचं मत होतं. कमी वयाची मुलगी स्वतःचा असा व्यवसाय कसा करणार? भांडवल कसं तयार करणार? जेवण कसं बनवणार? ते विकणार कसं ? अशा अनेक प्रश्नांचा विचार पाटील कुटुंबीय करत होतं. अशा सगळ्या प्रश्नांचा विचार न करता या मराठमोळ्या मुलीने ठाण्यातील सत्कार ग्रांड या ठिकाणी एक मिसळचा गाडा उभा केला.
40 रुपयांत भरपेट नाश्ता
निकिता स्वतः सकाळी सात वाजता हा बावरी मिसळ कट्टा उघडते. स्वतःही एक विद्यार्थी असल्यामुळे ती ही मिसळ अगदी 40 रुपये प्लेट या किमतीत विकते. विद्यार्थी वर्गाला भूक भरपूर असते. पण कमी खर्चात एक वेळचा भरपेट नाश्ता देता यावा असा विचार आपण केल्याचे निकिता सांगते.
गुजराती कुंभारवाड्यात मराठी मुली; कसं करतायत गरबा सजावट काम पाहा Video
घरगुती मसाल्यांचा वापर
कुठलेही पाश्चात्य पदार्थ न विकता निकिता स्वतः तयार केलेली मिसळ या ठिकाणी विकते. येथे वापरण्यात येणारे मसाले हे सर्व घरगुती असल्यामुळे मिसळीला देखील अगदी घरगुती चव असल्याची माहिती येथील खवय्ये देतात. वय कमी पण हिम्मत मोठी असल्यामुळे कुटुंबीयांनी अखेर पाठिंबा दिला. निकिताने स्वतःचा व्यवसाय सुरू केला. उत्कृष्ट प्रतिसादामुळे दिवसाला अनेक प्लेट या ठिकाणी विकल्या जातात.
मुलींसाठी प्रेरणादायी
निकिताचे स्वप्न आहे की पुणे नाशिक प्रमाणेच मुंबईच्या मिसळची ही प्रसिद्धी वाढावी. त्यासाठी तिचा हातभार लागावा. मुलगी ही फक्त 9 ते 5 नोकरी न करता व्यवसाय करूनही सेटल होऊ शकते. असा सल्ला तिने पालक वर्गाला दिला आहे. निकिताचा हा प्रवास नक्कीच तरुण मुलींसाठी प्रेरणादायी आहे.