TRENDING:
या स्टॉलवर सध्या इटालियन डेझर्ट तिरामिसू विशेष आकर्षण ठरत आहे. त्यासोबतच मिनी चीज केक अवघ्या 50 रुपयांत मिळत असल्याने विद्यार्थ्यांचा प्रतिसाद मोठा आहे. ब्राऊनीचे दर 80 ते 120 रुपयांपर्यंत असून विविध फ्लेवर्समध्ये त्यांची रेलचेल पाहायला मिळते. रेग्युलर चीज केक 100 रुपयांना तर ग्लास केक 70 रुपयांना उपलब्ध आहे. खास बिस्कॉफ ब्राऊनीही येथे मिळत असून तिची चव चाखण्यासाठी अनेक जण आवर्जून भेट देत आहेत. प्रत्येक पदार्थाची चव आणि सादरीकरण याकडे विशेष लक्ष दिले जात असल्याचे ग्राहक सांगतात.
advertisement
Sandane Recipe : ग्रामीण भागातील पारंपरिक पदार्थ, सोप्या पद्धतीने बनवा गोड सांदणे, रेसिपीचा Video
स्टॉलचे आकर्षक सादरीकरणही ग्राहकांना भुरळ घालत आहे. रंगीबेरंगी टॉपिंग्स, नीटनेटकी पॅकिंग असे आकर्षक डेझर्ट्स यामुळे हा स्टॉल विद्यार्थ्यांच्या गाठीभेटींचे नवे ठिकाण बनत आहे. लेक्चरनंतर मित्रमंडळी येथे एकत्र येऊन गोड पदार्थांचा आस्वाद घेताना दिसतात. कमी किमतीत दर्जेदार पदार्थ मिळत असल्याने रोज सायंकाळी येथे मोठी गर्दी होत आहे.
डेझर्ट्ससोबतच ताजेतवाने मॉकटेल्सही येथे उपलब्ध आहेत. विशेषतः मोहीतोला ग्राहकांची मोठी पसंती मिळत आहे. गोड पदार्थांसोबत थंडगार मॉकटेल्सचा आस्वाद घेण्यासाठी सायंकाळी येथे उत्साही वातावरण पाहायला मिळते. परदेशी चवी स्थानिक पातळीवर आणि परवडणाऱ्या दरात उपलब्ध करून देणारा देवगड किचन हा स्टॉल सध्या रुईया कॉलेज परिसरात आकर्षणाचा केंद्रबिंदू ठरत आहे.