Hair Growth : केसांच्या वाढीसाठी हेअर सीरम घरी कसं बनवायचं ? केसांनी सीरम लावताना काय काळजी घ्यायची ?

आजकाल जीवनशैली आणि खाण्याच्या सवयींमधे मोठे बदल झालेत. ज्यामुळे त्याचा केसांच्या आरोग्यावर परिणाम होऊ शकतो. वाढतं प्रदूषण आणि रसायन-आधारित केसांच्या उत्पादनांचा वारंवार वापर यामुळे केसांचं नुकसान होऊ शकतं. केस घनदाट, लांबसडक होण्यासाठी तुम्ही उपाय शोधत असाल तर ही माहिती तुमच्यासाठी.

Hair Serum : कोरड्या केसांना मिळेल जीवदान, पटकन घरीच बनवा सोपं हेअर सीरम

advertisement

केसांची चांगली वाढ होण्यासाठी घरी एक सीरम बनवता येईल. Hair growth serum मुळे, केसांची चांगली वाढ होईलच तसंच केस काळे आणि दाट होतील. हे सीरम बनवण्यासाठी, जास्वदांची तीन - चार फुलं, जास्वंदाची  चार - पाच पानं आणि एक चमचा मेथीचे दाणे आवश्यक आहेत.

जास्वंदीची पानं, फुलं घटक रात्रभर पाण्यात भिजत ठेवा. सकाळी पाण्यातून काढून बाजूला ठेवा. झोपण्यापूर्वी हे पाणी केसांच्या मुळांना लावा आणि दुसऱ्या दिवशी केस धुवा. या नैसर्गिक सीरमुळे, केसांची वाढ चांगली होईल, केसांचा रंग सुधारेल आणि केस मजबूत होतील.

Mental Health :शरीराप्रमाणेच मनाचीही काळजी घ्या, मानसिक आजारांचं प्रमाण चिंताजनक

जास्वदांच्या फुलांमधे अमिनो आम्ल आणि फ्लेव्होनॉइड्स असतात. यामुळे टाळूमधे रक्ताभिसरण वाढतं आणि केराटिन उत्पादनाला मदत होतं. त्यांच्यात बॅक्टेरियाच्या वाढीस प्रतिबंध करणारे गुणधर्म देखील आहेत.

मेथीच्या बियांमधे प्रथिनं आणि निकोटिनिक आम्ल असतं, यामुळे केसांच्या मुळांना पोषण मिळतं आणि नवीन केसांच्या वाढीला प्रोत्साहन मिळतं. याव्यतिरिक्त, यातल्या गुणधर्मांमुळे टाळू स्वच्छ ठेवण्यास मदत करतात.