पचायला सोपी आणि थंडावा देणारी असल्यानं, उन्हाळ्याच्या हंगामासाठीं सर्वोत्तम भाज्यांच्या यादीत भेंडीचा नंबर लागतो. भेंडीमध्ये फायबर, जीवनसत्त्व अ, क आणि पोटॅशियम आणि मॅग्नेशियमसारखी खनिजं तसंच अँटिऑक्सिडंट्स भरपूर प्रमाणात असतात.
Summer Skin Care : साबण नाही या मातीनं करा आंघोळ, उन्हाळ्याचा त्रास होईल कमी
भेंडी मुख्यतः उष्णकटिबंधीय आणि उपोष्णकटिबंधीय प्रदेशात पिकवली जाते. भेंडीची भाजी आहारात तर असतेच शिवाय शेंगांचा अर्क अनेक सूप आणि सॉस घट्ट करण्यासाठी वापरला जातो.
advertisement
भेंडीचे आरोग्यदायी फायदे -
- भेंडी खाल्ल्यानं पचनसंस्था मजबूत होते आणि अनेक समस्या दूर होण्यासोबतच आरोग्यही चांगलं राहतं. त्यात व्हिटॅमिन सी, मॅग्नेशियम आणि इतर अनेक पोषक घटक असतात.
- सोडियम, फॉस्फरस, कॅल्शियम, लोह आणि जस्त यांसारख्या पोषक तत्वांनी समृद्ध असलेल्या भेंडीचा थंडावा वाढतो. भेंडीमध्ये प्रथिनं, जीवनसत्त्वं, मॅग्नेशियम, फायबर तसेच अँटीऑक्सिडंट्ससह इतर पोषक घटक आढळतात. भेंडीचं पाणी प्यायल्यानं पोट थंड राहतं.
Summer Skincare : उन्हाळ्यात असा करा ई व्हिटॅमिनचा वापर, सूर्यप्रकाशापासून होईल त्वचेचं रक्षण
- भेंडीमध्ये मुबलक प्रमाणात फायबर आहे. त्यामुळे पचनसंस्था मजबूत करण्यासोबतच पोटाशी संबंधित सर्व समस्या देखील यामुळे दूर होतात. बद्धकोष्ठता, पोट फुगणं यासारख्या समस्यांपासून यामुळे आराम मिळतो. पोटासोबतच भेंडी हृदयासाठीही फायदेशीर आहे.
भेंडीमुळे कोलेस्टेरॉलची समस्या कमी व्हायला मदत होते आणि हृदयाचं आरोग्य चांगलं राहतं. मधुमेह असेल तर भेंडी नक्की खा. त्यात ग्लायसेमिक नावाचा घटक आढळतो, ज्यामुळे मधुमेह नियंत्रित राहण्यास मदत होते. भेंडीमुळे शरीराची रोगप्रतिकारक शक्ती देखील मजबूत होते.