पालक वापरुन अनेक पाककृती केल्या जातात. पालकाचं वैज्ञानिक नाव Spinasia oleracea आहे. भारतात पालकाचा वापर मोठ्या प्रमाणात केला जातो. पालकामध्ये पुरेशा प्रमाणात अँटी-ऑक्सिडंट्स असतात.
Diet Tips : उन्हाळ्यात खाण्या पिण्याबद्दल हे नियम पाळा, तेलकट पदार्थ खाऊ नका, तब्येत राहिल व्यवस्थित
इतकंच नाही तर त्यात कॅल्शियम, सोडियम, क्लोरीन, फॉस्फरस, लोह, खनिज क्षार, प्रथिनं, व्हिटॅमिन ए आणि व्हिटॅमिन सी मुबलक प्रमाणात असतं, यामुळे शरीराला अनेक फायदे मिळतात.
advertisement
पालकाचा रस घरी बनवण्याची कृती -
पालकाचा रस बनवण्यासाठी प्रथम पालक आणि पुदिन्याची पानं नीट धुवून घ्या. पालक चिरुन घ्या. न कापताही रसासाठी पानं मिक्सरमध्ये बारीक करून घ्या. एका ग्लासमध्ये हे मिश्रण गाळून मग प्या. यात तुम्ही लिंबू पिळूनही पिऊ शकता.
पालकाचा रस पिण्याचे फायदे -
1. हाडांसाठी उपयुक्त -
कमकुवत हाडांची समस्या तुम्हाला जाणवत असेल तर पालकाचा रस उपयुक्त ठरु शकेल. पालकामध्ये कॅल्शियम आणि अँटी-ऑक्सिडंट गुणधर्म आढळतात, यामुळे हाडं मजबूत होण्यास मदत होते.
Digestion : पोटाच्या आरोग्यासाठी महत्त्वाचे पाच उपाय, पोटाचं आरोग्य उत्तम तर प्रकृती उत्तम
2. लठ्ठपणा कमी करण्यासाठी उपयुक्त -
लठ्ठपणा आणि त्यामुळे होणारे आजार ही एक मोठी समस्या आहे. तुम्हीही वजन कमी करण्यासाठी उपाय शोधत असाल तर पालकाचा रस तुमच्यासाठी उपयोगी ठरू शकतो. या रसात कॅलरीजचं प्रमाण खूपच कमी असतं.
३. डोळ्यांसाठी उपयुक्त -
पालकामध्ये व्हिटॅमिन ए आणि व्हिटॅमिन सी आढळतात, जे प्रामुख्याने डोळ्यांच्या मॅक्युलर डिजेनेरेशनचा धोका कमी करण्यास मदत करतात. पालकाचा रस प्यायल्याने दृष्टी सुधारते.
4. प्रतिकारशक्ती वाढवण्यासाठी उपयुक्त -
रोगांना दूर ठेवण्यासाठी आणि शरीर निरोगी ठेवण्यासाठी, मजबूत प्रतिकारशक्ती असणं खूप महत्वाचं आहे. तुम्हालाही रोगप्रतिकारक शक्ती मजबूत करायची असेल, तर तुम्ही पालकाचा रस घेऊ शकता.