Digestion : पोटाच्या आरोग्यासाठी महत्त्वाचे पाच उपाय, पोटाचं आरोग्य उत्तम तर प्रकृती उत्तम
- Published by:Renuka Joshi
Last Updated:
पोट स्वच्छ राहण्यासाठी रोज गरम पाणी पिणारे अनेकजण आहेत. पण ते प्यायल्यानंतरही पोट साफ होत नसेल तर आणखी काही उपाय करता येतील.
मुंबई : आपलं आरोग्य अवलंबून असतं पोटाच्या आरोग्यावर. पोट स्वच्छ राहण्यासाठी रोज गरम पाणी पिणारे अनेकजण आहेत. पण ते प्यायल्यानंतरही पोट साफ होत नसेल तर आणखी काही उपाय करता येतील. ज्यामुळे आतड्यांमध्ये साचलेली सर्व घाण बाहेर पडेल आणि पोट रिकामं होईल. कारण पोट साफ झालं नसेल तर अनेक प्रकारच्या आजारांना निमंत्रण मिळतं. अनेकदा काही दिवस पोट साफ होत नसल्यामुळे पोट फुगतं आणि दुखायला लागतं.
जीवनशैलीमुळे अनेकांना पोटाशी संबंधित समस्यांना सामोरं जावं लागतं. बद्धकोष्ठता, अपचन, पोट फुगणं यासारख्या समस्या जाणवतात. या समस्यांपासून सुटका मिळवण्यासाठी अनेकजण गरम पाणी पितात, पण गरम पाणी प्यायल्यानंतरही पोट साफ होत नसेल तर हे पाच उपाय लक्षात ठेवा.
पहिला उपाय:
advertisement
तुमच्या आहारात फायबरचं प्रमाण पुरेशा प्रमाणात ठेवा. पचनसंस्था निरोगी ठेवण्यासाठी फायबर खूप महत्वाचं आहे. यामुळे शौचास सुलभता येते. त्यामुळे आहारात फायबर समृद्ध फळं, भाज्यांचा समावेश नक्की करा.
दुसरा उपाय:
पुरेशा प्रमाणात पाणी प्या. पाणी तुमच्या शरीराला हायड्रेट ठेवण्यास आणि मल मऊ करण्यास मदत करते. दररोज किमान 8 ग्लास पाणी पिण्याचा सल्ला तज्ज्ञ देतात.
advertisement
तिसरा उपाय:
नियमित व्यायाम करा. व्यायामामुळे तुमच्या पचनसंस्थेला चालना मिळते आणि तुम्हाला मल बाहेर काढण्यास मदत होते. दररोज किमान 30 मिनिटं मध्यम तीव्रतेचा व्यायाम करण्याची शिफारस त्यासाठी केली जाते.
चौथा उपाय:
काही घरगुती उपाय जसं की त्रिफळा चूर्ण, इसबगोल आणि जीरं यामुळे तुमचं पोट साफ करण्यास मदत होते. पण हे उपचार करण्यापूर्वी, आपल्या डॉक्टरांचा सल्ला घ्या.
advertisement
पाचवा उपाय:
तणाव टाळा. तणावामुळे तुमच्या पचनसंस्थेवर परिणाम होऊ शकतो आणि बद्धकोष्ठता होऊ शकते. तणाव टाळण्यासाठी, तुम्ही योग, ध्यान किंवा इतर विश्रांती तंत्रांचा सराव करू शकता. हे उपाय करूनही तुम्हाला आराम मिळत नसेल तर तुम्ही तुमच्या डॉक्टरांचा सल्ला नक्की घ्या.
पोटाच्या आरोग्यासाठी महत्त्वाच्या टिप्स :
advertisement
तुमची खाण्याची वेळ नियमित करा.
हळूहळू खा आणि नीट चावून खा.
खूप मसालेदार किंवा तेलकट पदार्थ टाळा.
धूम्रपान आणि मद्यपान टाळा.
Location :
Mumbai,Maharashtra
First Published :
Feb 11, 2025 7:05 PM IST
मराठी बातम्या/लाइफस्टाईल/हेल्थ/
Digestion : पोटाच्या आरोग्यासाठी महत्त्वाचे पाच उपाय, पोटाचं आरोग्य उत्तम तर प्रकृती उत्तम
