पोटाची चरबी वाढणं ही एक सर्वसामान्य समस्या आहे आणि यापासून सुटका मिळवण्यासाठी विविध पद्धतींचा अवलंब केला जातो. पण, अनेकदा चुकांमुळे पोटाची चरबी कमी होण्याऐवजी वाढते.
1. फक्त व्यायामावर अवलंबून राहू नका.
फक्त व्यायाम केल्यानं पोटाची चरबी कमी होईल असं अनेकांना वाटतं. पण पोटाची चरबी कमी करण्यासाठी व्यायामासोबतच खाण्याच्या योग्य सवयींची काळजी घेणं आवश्यक आहे.
advertisement
Diet Tips: अशक्तपणा दूर करण्यासाठी डाएट टिप्स, आहारात बदल केल्यानं राहाल फिट, वजनही वाढेल
2. चुकीचा आहार
अनेकजण डाएटिंगच्या नावाखाली खाण्या पिण्याच्या सवयींमध्ये अचानक बदल करतात. पण, असं केल्यानं शरीराला आवश्यक पोषक द्रव्य मिळत नाहीत आणि त्यामुळे पोटावरील चरबी वाढण्याची शक्यता वाढते.
3. ताण
पोटाची चरबी वाढण्यामागे तणाव हे देखील एक कारण आहे. जेव्हा आपण तणावात असतो तेव्हा शरीरात कोर्टिसोल नावाच्या हार्मोनची पातळी वाढते, ज्यामुळे पोटात चरबी जमा होण्यास मदत होते.
4. झोपेचा अभाव
झोप न लागणे हे देखील पोटावरील चरबी वाढण्याचे कारण आहे. आपल्याला पुरेशी झोप मिळत नाही, तेव्हा शरीरातील हार्मोनल म्हणजेच संप्रेरकांचं संतुलन बिघडतं, त्यामुळे पोटात चरबी जमा होऊ लागते.
Spinach Juice : डोळे, हाडांसाठी उत्तम आहार, पालक ज्यूस प्या, प्रतिकारशक्ती वाढवण्यासाठी चांगला उपाय
5. साखरयुक्त पेयांचा वापर मर्यादित करा
साखरयुक्त पेयांमध्ये भरपूर कॅलरीज असतात आणि त्यांच्या सेवनानं पोटाची चरबी वाढते. त्यामुळे ही पेयं पिणं थांबवा.
पोटाची चरबी कमी करण्यासाठी काय करावं:
खाण्याच्या योग्य सवयी: फळं, भाज्यांचा आहारात योग्य समावेश
नियमित व्यायाम: दररोज किमान 30 मिनिटं व्यायाम करा.
तणाव कमी करा: तणाव कमी करण्यासाठी योग, ध्यान कसं करायचं शिकून घ्या.
पुरेशी झोप : दररोज ७-८ तासांची झोप घ्या.
साखरयुक्त पेय टाळा: साखरयुक्त पेय कमी करा किंवा पूर्णपणे बंद करा.