मेनोपॉजनंतर वाढतो धोका
साधारणपणे महिलांना मेनोपॉज म्हणजेच रजोनिवृत्तीचा काळ 45 ते 55 वर्षांच्या दरम्यान येतो. यानंतर शरीरातील इस्ट्रोजेन नावाच्या हार्मोनची पातळी कमी होते. इस्ट्रोजेन हृदयविकारापासून संरक्षण देतो, त्यामुळे त्याची पातळी कमी झाल्यावर धोका वाढतो.
छातीत दुखणे हेच लक्षण नाही
पुरुषांमध्ये छातीत तीव्र वेदना होणे हे हृदयविकाराचे प्रमुख लक्षण मानले जाते. पण महिलांमध्ये अशी वेदना नेहमीच नसते. त्यांना हलका दाब किंवा अस्वस्थता जाणवू शकते, ज्याकडे अनेकदा दुर्लक्ष केले जाते.
advertisement
असामान्य थकवा आणि अशक्तपणा
एखाद्या शारीरिक किंवा मानसिक श्रमाशिवाय सततचा, तीव्र थकवा जाणवणे हे हृदयविकाराचे एक महत्त्वाचे लक्षण असू शकते. हा थकवा इतका जास्त असतो की रोजची कामे करणेही कठीण जाते.
श्वास घेण्यास त्रास होणे आणि घाम येणे
धाप लागणे किंवा श्वास घेण्यास त्रास होणे हे छातीत दुखण्याशिवायही होऊ शकते. त्यासोबतच, कोणत्याही कारणाशिवाय खूप जास्त घाम येणे किंवा थंड घाम येणे हे देखील हृदयविकाराचे लक्षण असू शकते.
जबडा, मान किंवा पाठदुखी
काही महिलांना छातीत वेदना होण्याऐवजी जबडा, मान, पाठीच्या वरच्या भागात किंवा खांद्यावर वेदना जाणवू शकतात. ही वेदना हलकी किंवा तीव्र असू शकते आणि अचानक येऊ शकते.
मळमळ आणि उलटी
हृदयविकाराच्या वेळी महिलांना मळमळ, उलटी किंवा अपचनाचा त्रास होऊ शकतो. ही लक्षणे अनेकदा सामान्य पोटाच्या समस्या समजून दुर्लक्षित केली जातात, जी खूप धोकादायक ठरू शकतात. या लक्षणांबद्दल जागरूकता असणे खूप महत्त्वाचे आहे, कारण यामुळे जीव वाचू शकतो. यापैकी कोणतेही लक्षण दिसल्यास त्वरित वैद्यकीय मदत घ्या. वेळेवर उपचार मिळाल्यास गंभीर धोका टाळता येऊ शकतो. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)