TRENDING:
गूळ शेंगदाणा पोळी साहित्य
शेंगदाणे, गव्हाचे पीठ, गूळ, वेलची पावडर, मीठ, तेल हे साहित्य लागेल.
गूळ शेंगदाणा पोळी कृती
सुरुवातीला शेंगदाणे मध्यम आचेवर 4-5 मिनिटे भाजून घ्या आणि त्यांना थंड होऊ द्या. त्यानंतर गव्हाचे पीठ घेऊन त्यात चिमूटभर मीठ मिसळा. थोडं-थोडं पाणी घालत चपातीपेक्षा थोडी घट्ट अशी कणिक मळा आणि ती 15 मिनिटे झाकून ठेवा. आता गार झालेले शेंगदाणे मिक्सरमध्ये हलकेसे फिरवून भरड करा.
advertisement
Health Tips : त्वचेची समस्या होईल दूर, हिवाळ्यात आहारात समावेश करा काळे मनुके, हे आहेत आणखी फायदे
त्यात पाऊण वाटी गूळ आणि अर्धा टेबलस्पून वेलची पावडर घालून पुन्हा मिक्सरमध्ये एकसारखे बारीक मिश्रण तयार करा. कणकेचा एक छोटा गोळा घ्या, त्यात गूळ शेंगदाण्याचे सारण भरा. गोळा नीट बंद करून थोडी जाडसर पोळी लाटा. तवा गरम करून मध्यम आचेवर पोळी दोन्हीकडून तेल लावून भाजून घ्या. तर अशी तयार होते तुमची चविष्ट शेंगदाणा पोळी.