चालताना पायांमध्ये वेदना
हे सर्वात प्रमुख लक्षण आहे. चालताना, धावताना किंवा व्यायाम करताना पायांच्या स्नायूंमध्ये तीव्र वेदना होतात. आराम केल्यावर त्या वेदना कमी होतात.
पायांमध्ये सुन्नता किंवा बधिरता
रक्ताभिसरण योग्यरित्या न झाल्याने पायांमध्ये बधिरता किंवा सुन्न झाल्याची भावना जाणवते. हे विशेषतः बसल्यावर किंवा झोपल्यावर जास्त जाणवते.
पायांचा रंग बदलणे
पायांना पुरेसा रक्तपुरवठा न झाल्यास त्यांचा रंग बदलतो. पाय फिक्कट किंवा निळे दिसू शकतात आणि थंड पडतात.
advertisement
जखमा लवकर बऱ्या न होणे
पायांवर झालेल्या जखमा किंवा खरचटणे लवकर बरे होत नाहीत, कारण रक्ताच्या कमतरतेमुळे त्या ठिकाणी पुरेसा ऑक्सिजन आणि पोषक तत्वे पोहोचत नाहीत.
पायांवरील केस गळणे
पायांच्या केसांना पुरेसे पोषण न मिळाल्याने पायांवरील केस गळू लागतात आणि पायांची त्वचा कोरडी व चमकदार दिसू लागते.
नखांची वाढ थांबणे
पायांच्या नखांची वाढ मंदावते आणि ती ठिसूळ होतात. हे देखील खराब रक्ताभिसरणाचे लक्षण आहे. या लक्षणांकडे दुर्लक्ष करणे धोकादायक ठरू शकते. पायांमध्ये आर्टरीज ब्लॉक असणे हे हृदयाच्या रक्तवाहिन्यांमध्येही अडथळे असण्याचे संकेत देतात. अशी लक्षणे दिसल्यास त्वरित डॉक्टरांचा सल्ला घ्या आणि जीवनशैलीत आवश्यक बदल करा. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)