एटिकेट आणि एलिगन्स कोच मानिक कौर सांगतात की, बहुतेक लोकांना काही मूलभूत ग्रूमिंग टिप्स माहीतच नसतात किंवा ते त्यांना हलके घेतात. तर याच टिप्स तुमचं व्यक्तिमत्त्व '0' वरून थेट '10' पर्यंत पोहोचवू शकतं. चला तर मग, अशा टिप्स जाणून घेऊया, ज्यांना फॉलो करून तुम्हीही एकदम प्रभावी दिसू शकता.
1) तोंडाचे आरोग्य ही पहिली पायरी
advertisement
जेव्हा कोणी तुमच्याशी बोलतं, तेव्हा त्याची नजर सर्वात आधी तुमच्या चेहऱ्यावर आणि तोंडाकडे जाते. जर दात पिवळे असतील, श्वासाला दुर्गंध येत असेल किंवा तोंड स्वच्छ नसेल, तर तुमच्या बाकीच्या सगळ्या तयारीचा काही उपयोग होणार नाही. दिवसातून दोनदा ब्रश करा, जीभ स्वच्छ करा आणि गरज पडल्यास माउथवॉशचाही वापर करा. ही एक छोटी सवय आहे, पण व्यक्तिमत्त्वावर जबरदस्त परिणाम करते.
2) चेहरा स्वच्छ आणि त्वचा निरोगी असावी
मेकअप तेव्हाच चांगला दिसतो, जेव्हा त्वचा स्वच्छ आणि निरोगी असते. मुलांसाठीही आता स्किन केअर तितकंच महत्त्वाचं झालं आहे, जितकं मुलींसाठी आहे. दिवसातून कमीत कमी दोनदा चेहरा धुवा, उन्हात बाहेर पडण्यापूर्वी सनस्क्रीन लावा आणि आठवड्यातून एकदा स्क्रब करा. ब्रँडेड ट्रीटमेंटऐवजी नियमित काळजी जास्त प्रभावी ठरते.
3) कपडे स्वच्छ आणि इस्त्री केलेले असावेत
महागडे ब्रँड्स घालणं आवश्यक नाही, पण कपडे जर डागाळलेले असतील किंवा इस्त्री केलेले नसतील, तर व्यक्तिमत्त्वावर थेट परिणाम होतो. कपड्यांवर सुरकुत्या नसाव्यात, रंग एकमेकांशी जुळणारे असावेत आणि कापड स्वच्छ असावं, या छोट्या गोष्टी तुमची प्रतिमा सुधारतात.
4) बूट नेहमी चमकदार असावेत
आजही माणसाची समज आणि स्वच्छतेच्या सवयी बुटांवरून कळतात. गलिच्छ किंवा फाटलेले जुने बूट तुमच्या मेहनतीवर पाणी फेरू शकतात. म्हणूनच, प्रत्येक वेळी घरातून बाहेर पडण्यापूर्वी आपले बूट पॉलिश करायला विसरू नका, खासकरून जेव्हा तुम्ही ऑफिसला किंवा एखाद्या खास मीटिंगला जात असाल.
5) दुर्गंध नाही, सुगंध सोडा
शरीराचा चांगला सुगंध फक्त समोरच्यालाच प्रभावित करत नाही, तर तुमचा आत्मविश्वासही वाढवतो. रोज आंघोळ करा, घामापासून वाचण्यासाठी डिओडोरंटचा वापर करा आणि हलक्या सुगंधाचा परफ्यूम लावा. हे सर्व मिळून तुमच्या व्यक्तिमत्त्वाला ताजे आणि आकर्षक बनवतात.
हे ही वाचा : केस गळतीची समस्या कायमची संपवा! रोज सकाळी फाॅलो करा 'हे' रूटीन; लांब अन् दाट केसांचं स्वप्न होईल पूर्ण!
हे ही वाचा : चेहऱ्यावर हवाय इन्स्टंट ग्लो? महागड्या क्रीम्स सोडा, फक्त तांदळाच्या पिठाने घरच्या घरी बनवा 'हे' चमत्कारी स्क्रब!