रोहित पवार मंत्री होणार, कर्जत जामखेडमध्ये जाऊन शरद पवार यांची घोषणा

कर्जत-जामखेडचे आमदार रोहित पवार यांच्या विशेष प्रयत्नांतून जामखेड तालुक्यातील खर्डा येथे एकूण 25 कोटी 15 लाख रुपयांच्या विविध विकासकामांचे भूमिपूजन आणि लोकार्पण सोहळा पार पडला. या कार्यक्रमाला ज्येष्ठ नेते शरद पवार, पुण्यश्लोक अहिल्यादेवी होळकर यांचे वंशज युवराज भूषणसिंहराजे होळकर, अहिल्यानगरचे खासदार निलेश लंके हे प्रमुख पाहुणे म्हणून उपस्थित होते.

आणखी एका दसरा मेळाव्याची भर... मनोज जरांगे पाटील गरजणार, मेळावा कुठे होणार?

advertisement

पाच वर्षे तुमची सेवा केली, रोहित पुढची पाच वर्षे महाराष्ट्राची सेवा करेन!

ज्येष्ठ नेते शरद पवार यांनी रोहित पवार यांनी गत पाच वर्षात केलेल्या कामाचे कौतुक केले. रोहित पवार हे मला मंत्री करा असे कधीही बोलले नाहीत. मीही पहिले पाच वर्ष मंत्री नव्हतो. 1972 नंतर मी मंत्री झालो. वसंत दादांच्या काळात मी मंत्री होतो. त्यांचे सरकार गेल्यानंतर मी मुख्यमंत्री झालो. रोहितने गत पाच वर्षे तुम्हा कर्जत जामखेडकरांची सेवा केली. आता पुढील पाच वर्षे रोहित महाराष्ट्राची सेवा करेन, असे पवार म्हणाले.

तुम्ही भूमिपुत्राच्या गप्पा मारू नका, जनतेचा एक प्रश्नही सोडवला नाही

सर्वसामान्य माणसांसाठी एमआयडीसी सारख्या चांगल्या प्रश्नाला इथल्या माजी लोकप्रतिनिधीने विरोध केला. अडथळे आणण्याचे काम केले. तुम्ही कसले भूमिपुत्र..? दहा वर्ष तुम्ही आमदार होतात. पाच वर्षे मंत्री होतात, तरीही सर्वसामान्य माणसांचे एकही प्रश्न तुम्ही सोडू शकले नाहीत. तुम्ही भूमिपुत्राच्या गप्पा मारू नये, अशी जोरदार टीका शरद पवार यांनी माजी मंत्री राम शिंदे यांच्यावर केली.

रोहित काळजी करू नकोस, सगळे प्रश्न मार्गी लागतील

त्याचवेळी, रोहित काळजी करू नकोस दोन महिन्यांमध्ये सर्व प्रश्न निकाली लागतील कारण पुढील दोन महिन्यात महाराष्ट्र बदललेला असेल, आपली सत्ता येईल, असेही शरद पवार रोहित यांना उद्देशून म्हणाले.