सध्या बच्चू कडू यांना पोलिसांची वाय प्लस सुरक्षा आहे. बच्चू कडू यांच्या जीवाला धोका असल्याच्या बातमीने खळबळ उडाली आहे. बच्चू कडू यांचा घातपात करण्याचा कोणाचा प्लँन? असा प्रश्न उपस्थित होत आहे. बच्चू कडू यांनी जिल्हा ग्रामीण पोलीस अधीक्षकांना लिहिलेलं पत्र समोर आलं आहे. यात धमकी देणाऱ्याने मी शिंदे साहेबांचा कट्टर कार्यकर्ता असल्याचा दावा केला आहे. तसंच आपले नक्षलवाद्यांशी नजीकचे संबंध असल्याचंही म्हटलं आहे.
advertisement
बच्चू कडू यांनी पत्रात म्हटलं की, अचलपूरमध्ये भाजी विक्रेत्याजळ एका दुचाकीवरून आलेल्या माणसाने भाजी विक्रेत्यासोबत बोलताना आपण शिंदे साहेबांचा कार्यकर्ता असल्याचं सांगितलं आणि बच्चू कडूला संपवणार असल्याचं म्हटलं. शिंदे साहेब बच्चू कडूला संपवणार. नाहीतर मीच बच्चू कडूला संपवणार असं म्हणत शिंदे साहेब आणि मंत्र्यांसोबतचे फोटोही दाखवले. माझ्यावर जीवघेणा हल्ला करण्याचे कट रचले जात अून जिविताला धोका निर्माण झाला असल्याचं बच्चू कडू यांनी म्हटलं आहे.
बच्चू कडू यांनी पोलिसांना दिलेल्या माहितीनुसार मतदारसंघातील अनेकांचे त्यांना गेल्या काही दिवसांपासून तब्येतीची विचारपूस करणारे फोन येत आहेत. यात अनेकांनी भाऊ तुमचा अपघात झाला का अशी विचारणा केलीय. आपल्याबाबत अशा अफवा पसरवल्या जात असल्याचं बच्चू कडू यांनी पोलिसांत दिलेल्या तक्रारीत म्हटलं आहे.
काय दिली धमकी?
शिंदे साहेबांचा कट्टर कार्यकर्ता आहे ...मी गडचिरोली येथे राहत असून माझे नक्षलवाद्यांशी नजीकचे संबंध आहे, बच्चू कडूला पाहून घेऊ. जसे बाळासाहेब ठाकरे यांनी दिघेंना संपवले तसं शिंदे साहेब बच्चू कडूला संपवणार. नाही तर मी स्वतः बच्चू कडूला संपवणार.. बच्चू कडू म्हणजे काहीच नाही, बच्चू कडूला पाहून घेऊ... आज मोका देख के बच्चू कडू को चौका मारेंगे