TRENDING:
या प्रकरणात कुलदीप ऊर्फ भोला अर्जुन पवार (वय 23, रा. राहेरा, जि. जालना) आणि विशाल यशवंत पवार (वय 18, रा. सातोना खुर्द, जि. जालना) या दोघांना ताब्यात घेण्यात आले आहे. पोलिसांनी दिलेल्या माहितीनुसार, आरोपींकडून सोन्याचे दागिने, रोख रक्कम तसेच दोन चोरीच्या मोटारसायकली असा एकूण 1 लाख 97 हजार 300 रुपयांचा मुद्देमाल हस्तगत करण्यात आला आहे. अटक केलेल्या आरोपींची चौकशी सुरू असून, आणखी गुन्ह्यांचा तपास केला जात आहे.
advertisement
ड्रोन, घेराव आणि तासभर झडती; ‘या’ गावाला 100 पोलिसांनी घेरलं, बीडमध्ये आता काय घडलं?
लुटीची ही घटना 23 ऑक्टोबर रोजी घडली होती. फिर्यादी हे आपल्या कुटुंबासह छत्रपती संभाजीनगर येथून बीडकडे प्रवास करत असताना राक्षसभुवन फाट्याजवळ काही तरुणांनी त्यांची वाट अडवली. यावेळी धमकी देत फिर्यादीच्या पत्नीच्या गळ्यातील सोन्याचे मणी-मंगळसूत्र हिसकावून आरोपी पसार झाले होते. घटनेनंतर परिसरात खळबळ उडाली होती आणि नागरिकांनी पोलिसांकडे तातडीने कारवाईची मागणी केली होती.
तपासादरम्यान पोलिसांनी तांत्रिक माहिती आणि गोपनीय बातमीदारांच्या आधारे संशयितांपर्यंत पोहोचण्यास सुरुवात केली. चौकशीत आरोपींनी गुन्ह्यासाठी वापरलेली दुचाकी मुकुंदवाडी परिसरातून चोरल्याची कबुली दिली. तसेच तलवडा आणि मुकुंदवाडी पोलीस ठाणे हद्दीतून चोरीस गेलेल्या सुमारे 1 लाख 60 हजार रुपये किमतीच्या दोन मोटारसायकलीही पोलिसांनी जप्त केल्या आहेत.
सदर कारवाई पोलिस अधीक्षक नवनीत काँवत, अपर पोलिस अधीक्षक सचिन पांडकर, उपविभागीय पोलिस अधिकारी अनिल कटके आणि पोलिस निरीक्षक किशोर पवार यांच्या मार्गदर्शनाखाली करण्यात आली. सहायक पोलिस निरीक्षक संतोष जंजाळ, दीपक लंके तसेच पोलिस कर्मचारी अशोक हंबर्डे, धीरज खांडेकर आणि गोरख डोके यांच्या पथकाने ही कामगिरी बजावली.