Beed Crime : संतोष देशमुख हत्या प्रकरणात नवा ट्विस्ट, 'रिपोर्ट'साठी हालचालींना मोठा वेग, काय काय घडलं?

Santosh Deshmukh Movements For Action Taken Report : बीडमधील मस्साजोगचे सरपंच संतोष देशमुख यांची निर्घृणपणे हत्या झाली होती. संतोष देशमुख हत्या प्रकरणातील तपासाला आता एक नवीन वळण मिळालं असून, या प्रकरणाच्या चौकशी अहवालावर 'ॲक्शन टेकन रिपोर्ट' (ATR) तयार करणाऱ्या समितीच्या रचनेत राज्य सरकारने महत्त्वपूर्ण बदल केले आहेत. यापूर्वी 9 जानेवारी रोजी स्थापन करण्यात आलेल्या समितीत सह सचिव व्यंकटेश भट यांचा समावेश होता. मात्र, शासनाने शुक्रवारी काढलेल्या नवीन निर्णयानुसार भट यांच्या जागी आता सह सचिव सुग्रीव धपाटे यांची नियुक्ती करण्यात आली असून, यामुळे प्रशासकीय वर्तुळात चर्चा सुरू झाली आहे.