TRENDING:
याप्रकरणी सुनील लक्ष्मण यादव (वय 47, रा. हनुमाननगर, एमआयडीसी, बीड) यांनी पोलीस ठाण्यात तक्रार नोंदवली आहे. त्यांच्या तक्रारीनुसार, काही वर्षांपूर्वी त्यांची ओळख सोलापूर जिल्ह्यातील अजनाळे येथील विलास मधुकर येलपल्ले याच्याशी झाली होती. ही ओळख पुढे विश्वासात बदलली आणि त्याचाच गैरफायदा आरोपीने घेतल्याचा आरोप आहे.
भाजीपाला न्यायला बोलावलं अन् शेतात एकटं गाठलं, महिलेसोबत..., बीड पुन्हा हादरलं!
advertisement
मार्च 2025 मध्ये विलास येलपल्ले हा सुनील यादव यांच्या घरी आला होता. यावेळी त्याने मंत्रालयातील वरिष्ठ अधिकाऱ्यांशी आपली ओळख असल्याचा दावा केला. या ओळखीच्या जोरावर यादव यांच्या मुलीला मंत्रालयात लिपिक पदावर कायमस्वरूपी नोकरी लावून देऊ, असे आमिष त्याने दाखवले. सुरुवातीला यासाठी 14 लाख रुपयांची मागणी करण्यात आली होती.
यानंतर तडजोड होऊन 12 लाख रुपयांत व्यवहार निश्चित झाला. यादव यांनी विश्वास ठेवून टप्प्याटप्प्याने आरोपीकडे ही रक्कम दिली. मात्र, बराच कालावधी उलटूनही मुलीला कोणतेही नियुक्तीपत्र किंवा अधिकृत कागदपत्र मिळाले नाही. वारंवार विचारणा करूनही समाधानकारक उत्तर न मिळाल्याने संशय बळावला.
पैसे परत मागितल्यानंतर आरोपीने केवळ 2 लाख रुपये परत केले, तर उर्वरित 10 लाख रुपये देण्यास टाळाटाळ केली. अखेर आपली फसवणूक झाल्याचे लक्षात येताच सुनील यादव यांनी पोलीस ठाण्यात धाव घेतली. या तक्रारीवरून पेठ बीड पोलिसांनी फसवणुकीचा गुन्हा दाखल करून आरोपीचा शोध आणि पुढील चौकशी सुरू केली आहे.