राज्यातून मराठ्यांचे जत्थेच्या जत्थे मुंबईत, आता जरांगेंचे हात बळकट करण्यासाठी सीमाभागही एकवटला

आरक्षण लढ्यात मनोज जरांगे पाटील यांचे हात बळकट करण्यासाठी सीमा भागातील सकल मराठा समाज आणि मराठा क्रांती मूक मोर्चा बेळगावच्या वतीने आंदोलन लढ्याला पाठिंब्याचे पत्र देण्यात आले आहे.

सर्व घटकांना समान संधी मिळविण्यासाठी आरक्षण लढा महत्त्वाचा

सध्या मुंबई येथील आझाद मैदानावर मराठा समाजासाठी आरक्षण मिळवण्यासाठी आपण माननीय मनोज जरांगे पाटील आंदोलन करत आहात. आपले हे आंदोलन मराठा समाजाचे शैक्षणिक, सामाजिक आणि राजकीय प्रश्न उपस्थित करत आहे. या उपोषणामुळे महाराष्ट्रभर मराठा समाजाची मागणी अधिक तीव्रपणे चर्चेत आली आहे.

advertisement

आम्ही बेळगाव येथील मराठा समाजाचे सदस्य, या महत्त्वाच्या आंदोलनाला पूर्णपणे समर्थन देत आहोत. मराठा समाजाच्या आर्थिक, शैक्षणिक आणि सामाजिक सशक्ततेसाठी मराठा समाजाला आरक्षण मिळणे अत्यंत आवश्यक आहे. या आंदोलनामुळे समाजातील सर्व घटकांना समान संधी मिळविण्यासाठी एक व्यापक दृष्टीकोन तयार होईल, जे सर्वांगीण विकासासाठी महत्त्वाचे आहे.

या पत्राद्वारे आम्ही जाहीर करती की, बेळगाव येथील मराठा समाजाचा जाहीर पाठिंबा मनोज जरांगे पाटील यांच्या आंदोलनाला आहे. आम्ही राज्य सरकारला आणि केंद्र सरकारला विनंती करतो की, मराठा समाजाच्या आरक्षणाच्या प्रश्नावर सकारात्मक विचार करून लवकरच ठोस निर्णय घेतला जावा, आम्ही यासाठी संघटितपणे आपल्या मागण्यांचा पाठपुराव्यासाठी जरांगे पाटील यांच्या पाठीशी राहू. सरकार या मुद्द्यावर योग्य व समर्पक निर्णय घेईल, अशी आशा आहे, असे पत्रात नमूद करण्यात आले आहे.