नवी मुंबई वाहतूक पोलीस शाखेने याबाबत अधिसूचना काढली आहे. त्यानुसार, नवी मुंबई पोलीस आयुक्तालय क्षेत्रातील रबाळे वाहतूक शाखेच्या हद्दीत दिघा गाव येते. या गावात बुधवारपासून पार्किंग केन आणि लिफ्टिंगचं काम सुरू करण्यात आलं आहे. त्या अनुषंगाने वाहतूक कोंडी होऊ नये म्हणून हा रस्ता हा 17 ते 22 सप्टेंबर रात्री बारा वाजेपर्यंत सर्व प्रकारच्या वाहनांसाठी बंद राहणार आहे. अग्निशमन दल, पोलीस वाहन, रुग्णवाहिकांना मात्र या अधिसूचनेतून वगळण्यात आलं आहे.
advertisement
Local Update: मध्य रेल्वेच्या प्रवाशांचा खोळंबा होणार, 'या' मार्गावरील लोकल राहणार बंद, कारण काय?
असे असतील पर्यायी मार्ग
1) वाशीकडून रबाळे एमआयडीसीमध्ये प्रवेश करणारी सर्व प्रकारची अवजड व हलकी वाहने रबाळे नाका सिग्नल येथून उजव्या बाजूला वळून रबाळे एमआयडीसी मार्गे इच्छित स्थळी जाऊ शकतील.
2) ठाण्याकडून रबाळे एमआयडीसीमध्ये येणारी सर्व वाहनं मुकुंद कट येथून डाव्या बाजूला वळून रामनगर मार्गे रबाळे एमआयडीसी मार्गे इच्छित स्थळी जातील.
3) दुचाकी व चार चाकी वाहनं रिलायबल प्लाझा विष्णुनगर, यादवनगर, इलठणपाडा रबाळे एमआयडीसी मार्गे इच्छित स्थळी जाऊ शकतील.
4) दुचाकी व चारचाकी वाहनं गवतवाडी पॉवर हाउस येथून विष्णुनगर, यादवनगर, इलठणपाडा रबाळे एमआयडीसी मार्गे इच्छित स्थळी जातील.