TRENDING:
या प्रकरणात न्याय मिळवण्यासाठी कुटुंबाला दीर्घ काळ प्रतीक्षा करावी लागली. मुंबई उच्च न्यायालयाच्या औरंगाबाद खंडपीठाने या घटनेची गंभीर दखल घेतल्यानंतर सुमारे दोन वर्षांनी संबंधित पोलीस उपनिरीक्षक संतोष पाटे यांच्यावर गुन्हा दाखल करण्यात आला. त्यांच्या विरोधात आकेफा मेहरीन हिच्या मृत्यूस कारणीभूत ठरल्याचा आरोप ठेवत दोषारोपपत्रही सादर करण्यात आले.
प्रेमसंबंधातून आंतरजातीय विवाह, 5 लाखांच्या मागणीसाठी विवाहितेचा छळ, छ. संभाजीनगर घटना
advertisement
22 एप्रिल 2019 रोजी दुपारी आकेफा मेहरीन ही दुचाकीवरून आरेफ कॉलनीहून भडकल गेटकडे निघाली होती. दरम्यान, जामा मशिदीकडून वेगात येणाऱ्या कारने टाउन हॉल उड्डाणपुलावर तिच्या दुचाकीला मागून जोरदार धडक दिली. ही कार सिटी चौक पोलीस ठाण्यातील उपनिरीक्षक संतोष पाटे चालवत होते. या अपघातात आकेफाच्या डोक्याला गंभीर दुखापत झाली. उपचार सुरू असतानाच 24 एप्रिल 2019 रोजी तिचा मृत्यू झाला.
या घटनेनंतर आकेफाच्या आई-वडिलांनी अॅड. फय्याज पटेल आणि अॅड. सईद शेख यांच्या माध्यमातून मोटार अपघात न्यायाधिकरणात नुकसानभरपाईसाठी दावा दाखल केला होता. सुनावणीदरम्यान विमा कंपनीने, मृत मुलगी अल्पवयीन होती आणि तिच्याकडे वाहन चालवण्याचा परवाना नव्हता, असा युक्तिवाद मांडला. मात्र न्यायालयाने तो फेटाळून लावत अपघात हा कार चालकाच्या निष्काळजीपणामुळेच घडल्याचे स्पष्ट केले.
सर्वोच्च न्यायालयाच्या विविध निर्णयांचा आधार घेत न्यायाधिकरणाने नमूद केले की, केवळ पीडितेकडे परवाना नसल्यामुळे अपघाताची जबाबदारी तिच्यावर टाकता येत नाही. त्यामुळे कुटुंबाला नुकसानभरपाई देण्याचा निर्णय न्यायाधिकरणाने दिला.