वर्ल्ड बर्ड फोटोग्राफर ऑफ द इयर ही जगातील सर्वात प्रतिष्ठित आणि आव्हानात्मक आंतरराष्ट्रीय छायाचित्र स्पर्धांपैकी एक आहे, जी विशेषतः पक्षी छायाचित्रणासाठी समर्पित आहे. यावर्षी या स्पर्धेत जगभरातील 33,000 पेक्षा अधिक छायाचित्रकारांनी सहभाग घेतला. ही स्पर्धा युनायटेड किंगडममध्ये आयोजित केली जाते आणि जागतिक पातळीवर पक्षी छायाचित्रणाचा सर्वोत्तम मानक मानली जाते. या स्पर्धेतील छायाचित्र महाराष्ट्रातील अहिल्यानगर जिल्ह्यातील हिवरे बाजार या गावात टिपले आहे. छायाचित्रात एक पक्षी उडतानाचा क्षण विलक्षण कोनातून टिपला आहे. बैजू पाटील यांनी जमिनीवर उलटे झोपून, झेंडूच्या फुलांच्या शेतातून हा क्षण कॅमेऱ्यात कैद केला आहे.
advertisement
Farmers News: "हेक्टरी 50 हजार रुपये मदतीची अपेक्षा..." शेतकऱ्यांची सरकारकडे मागणी
अतिशय अवघड अशी स्पर्धा असते आणि या स्पर्धेमध्ये मला रौप्यपदक भेटलेले आहे ही माझ्यासाठी खूप अभिमानाची गोष्ट आहे कारण की संपूर्ण जगामध्ये आपल्या भारताचे नाव झाले आहे. गेल्या अनेक वर्षांपासून मी या स्पर्धेमध्ये सहभाग घेत होतो आणि या वर्षी मला याकरता पुरस्कार भेटला आहे. खूप छान वाटत आहे, असे फोटोग्राफर बैजू पाटील म्हणाले आहेत.