TRENDING:
तपासात उघड झाले की हे दांपत्य मूळचे मुंबईतील भांडूप परिसरातील असून, ऑक्टोबर ते नोव्हेंबर 2024 दरम्यान त्यांनी वाळूजमधील एका घरात भाड्याने वास्तव्यासाठी प्रवेश केला होता. न्यायालयात हजर केल्यानंतर आरोपींना 14 डिसेंबरपर्यंत पोलिस कोठडी सुनावण्यात आली असून पुढील तपास वाळूज पोलिस उपनिरीक्षक अजय शितोळे करत आहेत.
गावातल्या विद्यार्थिनीची एक पोस्ट अन् अख्खी यंत्रणा लागली कामाला, ST चे अधिकारी थेट घरी, काय घडलं?
advertisement
वाळूज पोलिसांनी भांडूप येथील त्यांच्या घरी तपासणी केली असता, त्यांच्या मालकीचा प्लॉट असून त्यांचे आई-वडील आणि मुलगा आदित्य (20) हे तेथे राहतात. त्यांच्या चोरट्या वृत्तीमुळे त्यांचे आई-वडील त्यांना घरात राहू देत नाहीत. परिणामी, हे दोघे सतत नवीन ठिकाणी नाव बदलून भाड्याने राहत आणि घरमालकांना लुबाडून पसार होत. विशेष म्हणजे हा त्यांचा व्यवसाय बनला होता.
राज्यातील विविध पोलिस ठाण्यांत या दांपत्याविरोधात 20 ते 25 चोरीचे गुन्हे दाखल असल्याचे तपासात स्पष्ट झाले आहे. उरण पोलिस ठाण्यातील एका गुन्ह्यात ते आधीच अटकेत असल्याची माहिती मिळताच वाळूज पोलिसांनी तळोजा व कल्याण कारागृहातून त्यांचा ताबा घेतला. चौकशीतून पोलिसांनी त्यांच्याकडून सुमारे 40 हजार रुपयांचा मुद्देमाल जप्त केला असून यात सोन्याचे व चांदीचे दागिने समाविष्ट आहेत.
अशी करायचे चोरी
नाईक दांपत्य अत्यंत चलाख पद्धतीने गुन्हे करत असल्याचेही उघड झाले आहे. ‘कामाच्या शोधात आलो आहोत’ अशी भावनिक कहाणी सांगून ते घरमालकांची सहानुभूती मिळवत. घरात राहून मालकांची दिनचर्या, मौल्यवान वस्तूंची जागा आणि योग्य संधी यांची माहिती मिळवून चोरी करून पसार होणे, हाच त्यांचा ठरलेला पॅटर्न होता.
दरम्यान, ही कारवाई वाळूजचे पोलिस निरीक्षक शिवचरण पांढरे यांच्या मार्गदर्शनाखाली पोउपनि. अजय शितोळे, पोशि. रमेश राठोड, संदीप वाघ, विजय पिंपळे यांच्या टीमने केली.