TRENDING:
दहावी, बारावीच्या परीक्षा नुकत्याच संपल्या आहेत. अकरावी ते पदवीच्या आणि शालेय विद्यार्थ्यांच्या परीक्षा सुरू आहेत. त्यांना 25 एप्रिलपर्यंत सुट्या लागणार आहेत. या सुट्यांमध्ये गावी, पर्यटनस्थळी, देवदर्शनाला जाण्याचे नियोजन केले जात आहे. लग्न सोहळ्याला जाण्याचा बेत आखला गेला आहे. यामुळे प्रवाशांची संख्या लक्षणीय वाढत जाणार आहे. याचे भान ठेवून एसटी महामंडळाने एक महिना जादा बस चालवण्याचे नियोजन केले आहे.
advertisement
Weather Alert: हे ही दिवस जाणार, पुन्हा नवं संकट येणार, येत्या आठवड्यात कसं असणार हवामान?
या मार्गांवर जादा बस
उन्हाळी सुट्टीसाठी छत्रपती संभाजीनगर आगारातून 32 मार्गावर प्रवाशांच्या संख्येनुसार जादा बस सोडल्या जाणार आहेत. विशेष म्हणजे नियोजित फेऱ्यांव्यतिरिक्त लांबपल्ल्याच्या विविध मार्गांवर 15 एप्रिल ते 15 जून दरम्यान या जादा बस धावणार असल्याने प्रवाशांसाठी उपयुक्त ठरणार आहे. शालेय विद्याथ्यर्थ्यांसाठी धावणाऱ्या बसेस विविध मार्गांवर सोडून प्रवाशांना सेवा प्रदान केली जाणार आहे. वैजापूर ते नाशिक, जळगाव, बुलडाणा, गंगापूर, शिर्डी, नाशिक, जळगाव आणि सोयगाव नाशिक जादा बस धावणार आहेत
ऑनलाईन आरक्षण सुविधा
सुट्टी असल्यामुळे प्रवाशांची संख्या जास्त असते आणि यामुळे बसमध्ये बसण्यासाठी ऐनवेळी जागा मिळत नाही. उभे राहून लांब प्रवास करणे अशक्य आहे. त्यामुळे प्रवाशांकडून ऑनलाईन आगाऊ सीट आरक्षित केले जात आहे. एसटी महामंडळाचे अधिकृत संकेतस्थळ, मोबाइल अॅप, एसटी महामंडळाच्या बसस्थानकावरील आरक्षण केंद्रावर जादा बसचे आगाऊ आरक्षण करण्याची सुविधा उपलब्ध करून देण्यात आली आहे.
असं असेल बसचं वेळापत्रक
सिडको ते अकोला : 9.30, 11.00 वाजता
सिडको बस स्थानक ते रिसोड : सकाळी 7.30 वाजता
सिडको बस स्थानक ते मेहकर : सकाळी 9.30 वाजता
मध्यवर्ती बस स्थानक ते नागपूर : सकाळी 8.30 वाजता
मध्यवर्ती बस स्थानक ते अकोला : सकाळी 7.30 वाजता
पैठण ते पुणे : दुपारी 2.30 आणि 3.15 वाजता
मध्यवर्ती बस स्थानक ते बुलडाणा : सकाळी 7, 8, 10.30, 11.30 वाजता
सिल्लोड पुणे : सकाळी 8 व 8.30 वाजता
मध्यवर्ती बस स्थानक ते धुळे : सकाळी 9.15 ते 9.45 वाजता
मध्यवर्ती बस स्थानक ते जळगाव : 10.15, 11.45, आणि 1 वाजता बस असेल.