...तर स्वत:ला वाचवा; हिंगोलीच्या खासदाराला दहशतवादी पन्नूने लंडनमधून दिली धमकी

खासदार हेमंत पाटील यांना १४ डिसेंबरला रात्री धमकी देणारा फोन आला. त्यांनी धमकीबाबतची माहिती पत्राद्वारे देशाचे राष्ट्रपती, पंतप्रधान, लोकसभा अध्यक्ष, केंद्रीय गृहमंत्री आणि राज्याच्या मुख्यमंत्र्यांना दिलीय. लंडन येथून आंतरराष्ट्रीय मोबाईल क्रमांकावरून धमकीचा कॉल आला असून केंद्र आणि राज्य सरकारला तेव्हाच कळवले असल्याचं हेमंत पाटील यांनी सांगितलं.

मोठी बातमी! छ. संभाजीनगरात भीषण अपघात; दोन ट्रकच्या धडकेत 6 कारचा चुराडा, photos

advertisement

पोलिसांनी २२ डिसेंबरपासून  हेमंत पाटील यांची सुरक्षा वाढवली आहे. लंडनमधून खासदार हेमंत पाटील यांना फोनवरून धमकी देण्यात आली. पन्नू नावाच्या दहशतावाद्याने धमकी देताना २६ जानेवारीच्या प्रजासत्ताक दिनी होणाऱ्या कार्यक्रमात स्फोट घडवू, स्वत:ला वाचवायचं असेल तर वाचवा अशी धमकी दिल्याचं हेमंत पाटील यांनी म्हटलंय.