TRENDING:
गोपाल रमेश चौधरी हे जालना शहरातील रहिवासी असून त्यांच्या पत्नीचा माहेरच्यांनी परस्पर विवाह दुसऱ्या व्यक्तीशी लावून दिला आहे. या प्रकरणाशी संबंधित वेगवेगळ्या कलमांखाली कदिम जालना पोलीस स्टेशनमध्ये गुन्हा देखील दाखल झालेला आहे. परंतु पोलीस आरोपींना पकडून न्यायालयात हजर करण्याऐवजी टाळाटाळ करत आहेत. तसेच आरोपींकडून पैसे घेऊन आम्हाला आरोपीच्या पिंजऱ्यात उभे करत असल्याचा आरोप गोपाल रमेश चौधरी यांनी केला आहे.
advertisement
Onion Crop: सततचा पाऊस, शेतकऱ्याच्या स्वप्नाचा झाला चिखल, कांदा पिकाचे मोठे नुकसान, Video
संबंधित पोलीस अधिकाऱ्यांवर निलंबनाची कारवाई करावी आणि आम्हाला न्याय द्यावा अशी मागणी देखील त्यांनी पोलीस प्रशासनाकडे केली आहे. संबंधित पोलीस अधिकाऱ्यावर पोलीस अधीक्षक काय कारवाई करणार याकडे आता लक्ष लागले आहे.
दरम्यान, स्वातंत्र्य दिनाच्या निमित्ताने पालकमंत्री पंकजा मुंडे या ध्वजारोहण करण्यासाठी जालना जिल्ह्याच्या दौऱ्यावर होत्या. त्याचबरोबर विविध विकासकामांचे भूमिपूजन त्यांच्या हस्ते संपन्न झाले. यादरम्यान पालकमंत्र्यांचा ताफा जात असताना संबंधित युवकाने हा ताफा अडवण्याचा प्रयत्न केला. यावेळी युवकाला पकडून घेऊन जात असताना पोलीस उपाधीक्षक अनंत कुलकर्णी यांनी फिल्मी स्टाईल लाथ मारली. या घटनेचा सर्व स्तरातून निषेध होत असून संबंधित पोलीस अधिकाऱ्याला निलंबित करण्याची मागणी जोर धरत आहे.