पोलीस बनण्याचे स्वप्न उराशी बाळगून अनेक तरुण-तरुणी गाव, शहरात भरतीची तयारी करताना दिसतात. अनेकांनी तर शहरातील पोलीस करिअर अकॅडमी जॉईन केल्या आहेत. अशातच पोलिस अधीक्षक, जालना आस्थापनेवर रिक्त असलेल्या पोलिस शिपाई पदांच्या 156 जागा भरतीची जाहिरात पोलिस विभागाकडून प्रसिद्ध करण्यात आली आहे. उमेदवारांना 29 ऑक्टोबर ते 30 नोव्हेंबर दरम्यान ऑनलाईन अर्ज सादर करता येणार आहे. या भरती प्रक्रियेची सविस्तर माहिती पोलिस विभागाच्या अधिकृत संकेतस्थळावर देण्यात आली आहे.
advertisement
Police Bharati 2025: खाकी वर्दीचं स्वप्न साकार होणार! लोहमार्ग पोलीस दलात भरती, लगेच करा अर्ज
असे असणार गुणांकन
मैदानी चाचणी 50 गुण: यामध्ये गोळाफेक 15 गुण, 100 मीटर धावणे 15 गुण, 1600 मीटर (पुरुष), आणि 800 मीटर (महिला) धावणे 20 गुण असणार आहे. तसेच 50 टक्के गुण प्राप्त केलेल्या उमेदवारांपैकी प्रवर्गनिहाय 1:10 प्रमाणात उमेदवार लेखी परीक्षेस पात्र ठरणार आहे.
लेखी परीक्षा 100 गुण: यामध्ये सामान्य ज्ञान आणि चालू घडामोडी, बुद्धिमत्ता चाचणी, अंकगणित, मराठी व्याकरण आदींचा समावेश आहे. तसेच उमेदवारांना लेखी परीक्षेमध्ये कमीत कमी 45 टक्के गुण प्राप्त करणे आवश्यक आहे.
पोलीस अधीक्षक आस्थापनेवर 2024-25 या वर्षातील रिक्त असलेल्या 156 पोलिस शिपाई पदांसाठी भरती प्रक्रिया राबवली जाणार आहे. त्या संबंधित जाहिरात प्रसिद्ध केली आहे. मैदानी चाचणी आणि लेखी परीक्षा पारदर्शकपणे राबवली जाणार आहे. यामध्ये कॅमेरा, इन कॅमेरा तपासणी, आरएफआयडी तंत्रज्ञानाचा वापर केला जाणार आहे. ठिकठिकाणी मायक्रो कॅमेरे असणार आहेत. यापूर्वी विविध परीक्षेत जे उमेदवार गैरकृत्य करताना आढळले त्यांच्यावर विशेष लक्ष असणार आहे, अशी माहिती पोलिस अधीक्षक अजयकुमार बन्सल यांनी दिली आहे.