कराड उत्तर मतदारसंघ इतिहास
कराड उत्तर मतदारसंघात सातारा जिल्ह्याच्या खटाव तालुक्यातील पुसेसावळी महसूल मंडळ, कोरेगांव तालुक्यातील वाठार किरोली, रहिमतपूर ही महसूल मंडळे आणि रहिमतपूर नगरपालिका, सातारा तालुक्यातील अपशिंगे आणि नागठाणे ही महसूल मंडळे आणि कराड तालुक्यातील इंदोली, मसूर, उंब्रज आणि कोपर्डे हवेली ह्या महसूल मंडळांचा समावेश होतो.
करा़ड उत्तर हा महाराष्ट्राचे पहिले मुख्यमंत्री यशवंतराव चव्हाण यांचा मतदारसंघ. आधी काँग्रेस आणि मग राष्ट्रवादी काँग्रेसचा बालेकिल्ला आहे. पी. डी पाटील आणि त्यानंतर त्यांचे पुत्र श्यामराव उर्फ बाळासाहेब पाटील या मतदारसंघातून सलगपणे निवडून येत आहेत. सहाव्यांदा आमदार होण्यासाठी ते महाविकास आघाडीकडून रिंगणात आहेत. 1999 पासून या मतदारसंघाचं प्रतिनिधित्व पाटील यांच्याकडे आहे. तत्पूर्वी त्यांचे वडील पांडुरंग उर्फ पी.डी. पाटील यांनीही कराडचं प्रतिनिधित्व केलं होतं.
advertisement
2019 विधानसभा निवडणूक निकाल
बाळासाहेब पाटील – राष्ट्रवादी – 100,509
मनोज घोरपडे – अपक्ष - 51,294
गेल्या निवडणुकीत अपक्ष म्हणून लढलेले मनोज घोरपडे या वेळी भाजपच्या तिकिटावर रिंगणात आहेत. महायुतीचे ते अधिकृत उमेदवार आहेत. बाळासाहेब पाटील शरद पवार यांचे समर्थक आहेत आणि महाविकास आघाडीकडून रिंगणात आहेत.
2024 लोकसभा निवडणुकीत काय झालं?
कराड उत्तर विधानसभा मतदारसंघ सातारा लोकसभा मतदारसंघात येतो. साताऱ्यात या लोकसभा निवडणुकीच्या वेळी हाय व्होल्टेज उमेदवार होते. महाविकास आघाडीचे शशिकांत शिंदे विरुद्ध महायुतीचे उदयनराजे भोसले यांच्यात लढत झाली. भाजपचे उदयनराजे यांनी निवडणुकीत बाजी मारली. त्यांनी राष्ट्रवादी शरदचंद्र पवार पक्षाच्या शशिकांत शिंदे यांचा उदयनराजे यांना 5 लाख 71 हजार 134 मते मिळाली. त्यांनी शिंदे यांचा 32771 मतांच्या फरकाने पराभव केला. सातार लोकसभेवर यंदा पहिल्यांदाच भाजपाचा खासदार झाला आहे. त्यामुळे साताऱ्यातील भाजपाच्या वाट्याला येणाऱ्या विधानसभा मतदारसंघात विजय प्राप्त करण्याची जबाबदारी पक्षाने उदयनराजेंकडे दिली असल्याच्या बातम्या आहेत.
सातारा जिल्ह्यातील विद्यमान आमदार आणि त्यांची भूमिका
- सातारा जावळी- शिवेंद्रराजे भोसले- भाजप
- वाई - मकरंद पाटील – राष्ट्रवादी
- फलटण- दीपक चव्हाण – राष्ट्रवादी शरदचंद्र पवार
- माण खटाव- जयकुमार गोरे- भाजप
- कोरेगाव- महेश शिंदे- शिवसेना
- कराड उत्तर - बाळासाहेब पाटील – राष्ट्रवादी शरदचंद्र पवार
- कराड दक्षिण - पृथ्विराज चव्हाण - कॉंग्रेस
- पाटण - शंभुराजे देसाई – शिवसेना