TRENDING:
नागपूरच्या तहसील पोलीस स्टेशनच्या हद्दीत ही घटना घडली आहे. मिळालेल्या माहितीनुसार, एक अज्ञात आरोपी बॅगेतून मोठी रक्कम घेऊन जाणार असल्याची टिप पोलिसांना मिळाली होती. त्यानुसार सापळा रचून पोलिसांनी नागपुरच्या सेंट्रल अव्हेन्यू रोडवर मोपडवरून बँगेतून रक्कम घेऊन जात असताना एका व्यक्तीला ताब्यात घेतले होते. या व्यक्तीचे नाव शाबीर खान हाजी नासिर खान असे होते.
advertisement
पोलिसांनी शाबीर खानला ताब्यात घेत त्याच्याजवळील बँकेची तपासणी केली. यावेळी बँगेतून पोलिसांच्या 1 कोटी 35 लाखाची रक्कम हाती लागली. पोलिसांनी या रक्कमेबाबत शाबीरला विचारले असता त्याने या रक्कमेबाबत समाधानकारक उत्तर दिलं नाही. तसेच तो पोलिसांनी उडवा उडवीचे उत्तर देत होता. त्यामुळे पोलिसांनी रक्कम ताब्यात घेत निवडणुकीच्या काळातील नियमाप्रमाणे निवडणूक विभागाकडे सादर केली आहे.
प्राथमिक माहितीनुसार ही रक्कम एका बांधकाम व्यावसायिकाकडे जात होती. मात्र बँगेतल्या या पैशाचा तपशील देता न आल्याने ती ताब्यात घेतली आहे.आता ही रोकड नेमकी कोणाची यासंदर्भात चौकशी सुरू आहे. या घटनेने नागपुरात एकच खळबळ माजली आहे.