Coinex Pune 2025: पुणेकरांसाठी खुला झाला दुर्मिळ नाण्यांचा खजिना, पाहण्यासाठी तुफान गर्दी, Video
- Reported by:Pooja Satyavan Patil
- Published by:Shankar Pawar
Last Updated:
Pune News: पुणेकरांना ऐतिहासिक दुर्मिळ नाणी आणि नोटा पाहण्याची आणि खरेदीची संधी उपलब्ध झाली आहे. पुण्यात खास प्रदर्शन भरलं आहे.
पुणे : पुणेकरांसाठी दुर्मिळ नाणी पाहण्याची संधी उपलब्ध झाली आहे. इंटरनॅशनल कलेक्टर्स सोसायटी ऑफ रेअर आयटम्स (आयसीएसआरआय) पुणे यांच्या वतीने सोनल हॉल येथे नाण्यांचे प्रदर्शन आयोजित करण्यात आले आहे. अनेक इतिहास अभ्यासक आणि नाण्यांचा संग्रह करणारे नागरिक या प्रदर्शनाला भेट देत आहेत. या प्रदर्शनामध्ये मांडण्यात आलेल्या जुन्या नाण्यांचा आणि नोटांचा कोणत्या काळातील आहेत, त्यांचे महत्त्व आणि किंमत काय आहे? याबाबतची माहिती नागरिकांना दिली जात आहे. प्रदर्शनातील नाण्यांविषयीची माहिती मंजू सिंग यांनी लोकल 18 ला दिली आहे.
मंजू सिंग यांनी सांगितले की, प्रदर्शनामध्ये विविध इतिहासकालीन नाणी आणि जुन्या चलनाचा समावेश करण्यात आला आहे. प्रत्येक नाणे आणि चलनाला संबंधित काळातील विशेष महत्त्व आहे. या प्रदर्शनात काही वर्षांपूर्वी रद्द करण्यात आलेल्या 500 आणि 1,000 रुपयांच्या नोटाही मांडण्यात आल्या आहेत. अनेक नागरिक या नाणी व नोटांची खरेदी करत असून, चलन किती जुने आहे आणि त्याचा क्रमांक काय आहे, यावरून त्याची किंमत ठरवली जाते. प्रदर्शनाला मोठ्या प्रमाणात प्रतिसाद मिळत आहे.
advertisement
प्रदर्शनात नागरिकांसाठी छत्रपती शिवाजी महाराज, छत्रपती शंभूराजे यांच्याशी संबंधित दुर्मिळ नाणी तसेच विदेशी फॅन्सी नाण्यांचा खजिना पाहण्यासाठी उपलब्ध आहे. हे प्रदर्शन सकाळी 10 ते संध्याकाळी 7 या वेळेत सोनल हॉल, कर्वे रस्ता, पुणे येथे नागरिकांसाठी मोफत खुले आहे.
view commentsLocation :
Pune,Maharashtra
First Published :
Dec 21, 2025 12:40 PM IST
मराठी बातम्या/पुणे/
Coinex Pune 2025: पुणेकरांसाठी खुला झाला दुर्मिळ नाण्यांचा खजिना, पाहण्यासाठी तुफान गर्दी, Video
