TRENDING:
पश्चिम महाराष्ट्र हा काँग्रेस-राष्ट्रवादीचा बालेकिल्ला समजला जातो. 2014 च्या निवडणुकीत हा बालेकिल्ला सर करण्यास भाजपला बऱ्यापैकी यश मिळाले होते. त्यानंतर 2019 मधील निवडणुकीत भाजपची पकड काही प्रमाणात सैल झाली. लोकसभा निवडणुकीत महाविकास आघाडीने आपला मतदार पुन्हा आपल्याकडे खेचला. राज्यातील सत्ता कायम ठेवण्यासाठी विदर्भ आणि पश्चिम महाराष्ट्रची भूमिका मोठी महत्त्वाची असणार आहे. मविआच्या या बालेकिल्ल्याला हादरा देण्यासाठी आता केंद्रीय गृहमंत्री अमित शहा मैदानात उतरणार आहेत.
advertisement
मविआच्या बालेकिल्ल्यात शहांची तोफ धडाडणार
इचलकरंजी, शिरोळ व हातकणंगले विधानसभा मतदारसंघातील महायुतीच्या उमेदवारांच्या प्रचाराचा नारळ फोडण्यासाठी केंद्रीय गृहमंत्री अमित शाह इचलकरंजीत येणार आहेत. इचलकरंजी विधानसभेचे उमेदवार राहुल आवाडे, शिरोळ विधानसभेचे उमेदवार राजेंद्र पाटील-यड्रावकर व हातकणंगले विधानसभेच्या रिंगणात असलेले अशोकराव माने यांच्या प्रचाराचा प्रारंभ शाह यांच्या उपस्थितीत होणार आहे. त्यानंतर शिराळा, कराड दक्षिण, सांगली या विधानसभा क्षेत्रात प्रचार सभा घेणार आहेत. यामध्ये महायुतीचे जवळच्या मतदारसंघातील उमेदवार उपस्थित असणार आहेत.
कराड दक्षिणमधून राज्याचे माजी मुख्यमंत्री आणि काँग्रेसचे नेते पृथ्वीराज चव्हाण हे उमेदवार आहेत. सांगलीतील शिराळा मतदारसंघाचे राष्ट्रवादी शरद पवार गटाचे मानसिंग नाईक हे आमदार आहेत. पण, या मतदारसंघात वाळवा तालुक्याचा भाग येतो. राष्ट्रवादी काँग्रेस शरद पवार गटाचे प्रदेशाध्यक्ष जयंत पाटील यांचा प्रभाव या भागावर आहे. त्यामुळे अमित शहांची या भागातील सभा म्हणजे काँग्रेस, राष्ट्रवादीच्या नेत्यांना थेट आव्हान असल्याची चर्चा आहे.
अमित शहांचा आजचा प्रचार दौरा कसा?
शिराळा मतदारसंघ
वेळ : सकाळी 11 वाजता
स्थान: विश्वासराव नाईक कॉलेज मैदान, शिराळा, सांगली
कराड दक्षिण विधानसभा
वेळ: दुपारी 12:30 वाजता
स्थान: आदर्श विद्यामंदिर, विंग, कराड, सातारा
सांगली विधानसभा
वेळ: दुपारी 2:15 वाजता
स्थान: डॉ. बाबासाहेब आंबेडकर स्टेडियम, खणभाग, सांगली
इचलकरंजी विधानसभा
वेळ: सायंकाळी 4:15 वाजता
स्थान: व्यंकोबा मैदान चौक, कोल्हापूर