Manoj Jarange Live Update: मनोज जरांगेंनी मुंबईच्या डॉक्टरांकडून तपासणीला दिला नकार, आझाद मैदानात घडला ड्रामा

मनोज जरांगे यांची तब्येत खालावली आहे. सोमवारी रात्री डॉक्टराची एक टीम आझाद मैदानावर पोहोचली. मनोज जरांगे यांची तपासणी करण्यात आली, पण त्यावेरी रक्तदाब तपासणी मशीनवरून गोंधळ झाला.  डॉक्टर देव आहेत, ते तपासणी करण्यासाठी आले आहे. पण  मुंबईच्या ड्रॉक्टरांकडे मशीन चांगली नाही.  Bp चेक करायचे मशीनमध्ये हवाच बसत नाही.  शुगर Bp चेक करायच्या मशीन व्यवस्थित नाही. काय डॉक्टर आणि काय मशीन आहे.  मुंबईच्या डॉक्टरकडे मशीन  व्यवस्थित नाहीत सरकार मुद्दामहून त्यांना पाठवतं आहे, मी ही तपासणी करून घेणार नाही, असं म्हणत जरांगेंनी हेल्थ चाचणी करण्यास नकार दिला.

मराठा आरक्षणासाठी मनोज जरांगे यांचं मागच्या चार दिवसांपासून आंदोलन सुरू आहे. यावर अद्याप कोणताही तोडगा निघाला नाही. आज आंदोलनाचा चौथा दिवस उच्च न्यायालयाने दक्षिण मुंबईतील गर्दी कमी कऱण्याचे आदेश दिले आहे. तसंच, मराठा बांधवांना मुंबईच्या बाहेर थांबवण्याचे निर्देशही कोर्टाने दिले आहे. जरांगे यांची प्रकृती खालावली आहे. त्यामुळे आंदोलकांनी पाणी घेण्याचं आवाहन केलं होतं.

कोल्हापूर मराठा समाजाचे आंदोलन गांभीर्याने घ्या अन्यथा त्याचे परिणाम भोगावे लागतील. आरक्षणाची मर्यादा वाढवण्यासाठी घटना दुरुस्ती करावी लागली तर पंतप्रधान नरेंद्र मोदी याना सांगून करा पण आरक्षण द्या. निवडणुकीच्या काळात दिलेल्या शब्द पूर्ण करा. आंदोलनाला वेगळे वळण देऊन प्रश्न चिघळत ठेवल्यास गंभीर परिणाम होतील,  मनोज जरांगे पाटलांची लढाई ही आरपारची लढाई आहे.  महायुतीचे नेते आंदोलनाला बगल देत असून महाविकास आघाडीच्या नेत्यांना विश्वस्त घेऊन निर्णय घ्यावा, अशी प्रतिक्रिया खासदार शाहू महाराज यांनी दिली.

मनोज जरांगे काय म्हणाले?
कायदा सुव्यस्थ नाही कुठेही काही केलेलं नाही
४ महिने सरकारला दिले, पण दखल घेत नाहीत
मुख्यमंत्र्याने फोन करून सांगितलं, मुंबईत यायचं नाही
बोगस सरकार, बोगस मुख्यमंत्री
दोन वर्ष सरकारला दिली
देवेंद्र फडवणीस मी गोळ्या घातल्या तरी उठत नाही,
आणखी जर आरक्षण दिलं नाही, तर महाराष्ट्र मुंबईत येईल
मुंबईत उभं राहायला जागा मिळणार नाही
५ कोटी पेक्षा जास्त लोक येतील इथे
मराठे आले की पळता, प्रत्येक वेळी तुम्ही बांधलेला अंदाज चुकतोय.
मी विचित्र रसायन आहे, पक्षाला माझा समाज लाथ मारू शकतो
मी माझ्या समाजावर प्रेम करतोय, आणि समाज माझ्यावर
मराठ्याबद्दल तुम्हाला आकाश आहे
देशाला डाग लागू शकतो, ते लागू देऊ नका, पुढचा काळ अवघड आहे

फ्लोरा फाउंटेन आणि संपूर्ण सी एस एम टी परिसर आंदोलकांनी ब्लॉक केला, रस्त्यावरची परिस्थिती इतकी गंभीर की आम्ही न्यायालयात पोहोचू की नाही याबाबत शंका होती- सदावर्ते यांचा न्यायालयात युक्तिवाद

आंदोलक नाही तर सरकार हुल्लडबाजी करतंय
आंदोलकांनी रेल्वे स्थानकांत गोंधळ करु नये सीएसएमटी परिसरात शांतता राखावी

शांतता राखा, शांततेत आंदोलन करा, मनोज जरांगे यांनी आंदोलकांना केलं आवाहन

– न्यायमूर्ती रविंद्र घुगे यांच्या कोर्टात सुनावणी
– मूळ याचिकाकर्ते एमी फाउंडेशन सह चारही इंटरव्हेंशन याचिकांवर एकत्रित सुनावणी
– दाखल याचिकेत,मनोज जरांगे पाटील यांच्या आंदोलनविरोधात गंभीर आरोप
– कायदा धाब्यावर बसवून करताय आंदोलन, – याचिकेत आरोप

मनोज जरांगे यांची वैद्यकीय तपासणी
आरक्षणासाठी मनोज जरांगे ठाम
उपोषणाचा चौथा दिवस
डॉक्टरांचं पथक मनोज जरांगे यांची तपासणी करत आहे

मराठा आंदोलकांचा सीएसएमटी रेल्वे स्थानकात धिंगाणा, रेल्वे ट्रॅकवर उतरुन हुल्लबाजी, मोठ्याने घोषणा.

मुख्यमंत्री दोन्ही उपमुख्यमंत्री यासोबत विखे पाटील, शिवेंद्रराजे भोसले उपस्थित मंत्रिमंडळ उपसमितीची इतर सदस्य VC द्वारे उपस्थित आहेत

मुंबईतील सीएसएमटी स्थानकाबाहेर मराठा बांधवाची होणारी गर्दी लक्षात घेता वाहतूक पोलिसांकडून वाहतूक मार्गात बदल करण्यात आलेत. मुंबई सीएसएमटी आणि पालिकेच्या दिशेने येणारे सर्व मार्ग वाहतुकीसाठी आज बंद राहणार आहेत. मराठा आंदोलनाच्या पार्श्वभूमीवर सीएसएमटी परिसरात करण्यात आलेल्या वाहतुकीच्या बदलामुळे आझाद मैदान, मरीन ड्राईव्ह, पायधुनी आणि वडाळा वाहतूक पोलिसांना वाढीव कुमक ही देण्यात आली आहे. वडाळा वाहतूक पोलिसांना 35 तर आझाद मैदान पोलिसांना 35 अशी 70 जणांची वाढीव कुमक या दोन वाहतूक पोलिस चौक्यांना देणयात आल्याची माहिती सूत्रांनी दिली आहे.

मनोज जरांगेंनी केलेल्या शांततेच्या आवाहनाकडे मराठा आंदोलकांची पाठ. आंदोलकांनी बेस्ट बस अडवली. तर थेट पोलिसांनी लावलेल्या बॅरिकेड्सवर चढत आंदोलकांचा रस्त्यांवर गोंधळ.

सीएसएमटी स्थानकावर मराठा आंदोलकांकडून फुगडी, खो-खो आणि कवायती. स्थानकावर मराठा आंदोलकांची तुफान गर्दी आणि हुल्लडबाजी. शेअर मार्केट इमारतीमध्ये घुसण्याचा प्रयत्न. रस्त्यांवर केली वाहतूक कोंडी

मराठा आंदोलनाच्या पार्श्वभूमीवर सरकारकडून हालचालींना वेग. कालच्या बैठकीनंतर आज पुन्हा बैठकीचं सत्र. मुख्यमंत्र्यांसह दोन्ही उपमुख्यमंत्री आणि महाधिवक्तांमध्ये बैठक. आजतरी मराठा आरक्षणावर तोडगा निघणार का? याकडे संपूर्ण महाराष्ट्राचं लक्ष, मुंबईकरांचे मात्र हाल, रस्ते बंद, रस्त्यांवर वाहतूक कोंडी