छत्रपती संभाजीनगर शहरामध्ये अनेक मुस्लिम कारागीर ढोल तयार करण्याचं काम करतात. शेख रफिक हे त्यापैकीच एक आहेत. शेख कुटुंबातील अनेक पिढ्या हाच व्यवसाय करत आल्या आहेत. रफिक पाचव्या पिढीतील कारागीर आहेत. रफिक ढोल आणि पक्खवात ढोलकी देखील बनवतात. गणपतीमध्ये त्यांच्या ढोलांना संपूर्ण मराठवाड्यातून मोठी मागणी असते.
Bail Pola 2025 : सर्जा-राजाच्या जोडीचा साज बनणारे शेख कुटुंबीय, 3 पिढ्यांपासून करतात व्यवसाय
advertisement
शेख रफिक यांच्या पूर्वजांनी ढोल बनवण्याचा व्यवसाय सुरू केला होता. आता त्यांची सहावी पिढी देखील हेच काम शिकत आहे. त्यांच्याकडे सगळ्या प्रकारचे ढोले विक्रीसाठी असतात. ढोलांची किंमत सहाशे रुपयांपासून ते दोन हजारपर्यंत आहे. त्यासोबतच त्यांच्याकडे ढोलाचा जोडीदार असलेला ताशा देखील मिळतो. यावर्षी ताशाच्या किमतीत दहा ते पंधरा टक्क्याने वाढ झाली आहे.
शेख रफिक म्हणाले, "ढोलासाठी लागणारं कच्च मटेरियल आम्ही स्वतः तयार करतो. ताशासाठी लागणारा पत्रा मात्र, दिल्लीहून मागवला जातो. विशेष करून गणपतीमध्ये ढोल ताशाला खूप मागणी असते. दरवर्षी अनेक मंडळं आमच्याकडूनच ढोल घेऊन जातात. गणपतीसाठी आम्हाला ढोल करायला खूप आवडतं. त्यातून एक वेगळाच आनंद मिळतो."