ऑक्टोबरमध्ये राज्याच्या बहुतेक भागांतून मोसमी वारे माघारी जात उन्हाचा चटका वाढला आहे. विदर्भात मागील दोन दिवस सरासरी कमाल तापमान 35 अंश सेल्सिअसवर होते. सोमवारी त्यात आणखी वाढ झाल्याचे दिसून आले आहे. तर आज नागपुरातील कमाल तापमान 35.5 अंश सेल्सिअस तर किमान तापमान 20.6 अंश सेल्सिअस असल्याचे नोंदविण्यात आले आहे. यंदाच्या मान्सून मोसमात विदर्भातील पर्जन्यमापात केवळ दोनच टक्क्यांची तूट नोंदविण्यात आली असून ती सामान्य असल्याचे हवामान खात्याने म्हटले आहे.
advertisement
प्रवाशांसाठी गुड न्यूज! इंदूर-भोपाळ वंदे भारत एक्स्प्रेस आता नागपूरपर्यंत धावणार; पाहा वेळापत्रक
पर्जन्यमान कमीच
पावसाच्या अनियमिततेमुळे शेतीचे बरेच नुकसान झाले आहे. यंदा ऑगस्ट महिन्यात दांडी मारून बसलेला पाऊस सप्टेंबर मध्ये दमदार बरसला. यंदाच्या मोसमात अकोला व अमरावती जिल्ह्यातील पर्जन्यमानात अनुक्रमे 23 व 27 टक्के तूट नोंदविण्यात आली. तर यवतमाळ येथे सर्वाधिक 14 टक्के अतिरिक्त पावसाची नोंद करण्यात आली. नागपूर जिल्ह्यात यंदा 5 टक्के अतिरिक्त पर्जन्यमानाची नोंद करण्यात आली आहे.
आदिवासी महिलांच्या कलाकृतींचा जगभर डंका, 'बांबू लेडी'नं कशी केली किमया? Video
किती आहे तापमान?
मान्सून परतल्यामुळे वातावरण कोरडे होऊ लागले आहे, त्यामुळे दिवसा चांगले ऊन पडू लागले आहे. तर रात्री सुद्धा आकाश निरभ्र असल्याने वातावरणात गारवा जाणवत आहे. नागपूर शहरात आज किमान तापमान 35.4 ते किमाल तापमान 19.9 असे नोंदविण्यात आले आहे. तर भंडारा कमाल 35.3 आणि किमान 22.3, गोंदिया कमाल 35.4 तर किमान 21.9 आहे. गडचिरोली कमाल 35.2 तर किमान 22.4 अंश सेल्सिअस आहे. चंद्रपूर कमाल 35.4 तर किमान 23.6 आहे.
यवतमाळ जिल्ह्यात कमाल तापमान 35.7 तर किमान तापमान 19 अंश सेल्सिअस आहे. वाशिम जिल्ह्यात कमाल 35.0 तर किमान तापमान 19.8, बुलढाणा जिल्ह्यात कमाल 34.0 तर किमान 20.7, अमरावती जिल्ह्यात कमाल 35.6 तर किमान तापमान 20.7 अंश सेल्सिअस आहे. वर्धा जिल्ह्यात कमाल तापमान 36 तर किमान तापमान 22.2 अंश सेल्सिअस आहे.