TRENDING:
अजित पवार यांच्याकडे राष्ट्रवादीच्या वाट्याची खाती असल्याने ती राष्ट्रवादी काँग्रेस पक्षालाच मिळावी यासाठी उद्या पक्षाच्या वतीने मुख्यमंत्री देवेंद्र फडणवीस यांना पत्र लिहिण्यात येणार असल्याची माहिती राष्ट्रवादीतील विश्वसनीय सूत्रांनी दिली.
अजित पवार यांच्याकडील खाती कुणाकडे?
अजित पवार यांच्याकडे सध्या क्रीडा, राज्य उत्पादन शुल्क आणि अर्थ खात्याची जबाबदारी होता. माणिकराव कोकाटे यांच्याकडून क्रीडा खाते काढून घेण्यात आल्यानंतर त्यांनी ते खाते आपल्याकडेच ठेवले. अर्थखात्यासहित तीन खात्यांची जबाबदारी अजित पवार यांच्याकडे होती. ही खाती पक्षातील कोणत्या नेत्यांकडे द्यावीत, याचसंदर्भाने पुढच्या दोन दिवसांत चर्चा होऊन शिक्कामोर्तब केले जाईल, असे कळते. अद्याप तरी अजित पवार यांच्याकडील खाती कुणाकडे दिली जाणार, हे गुलदस्त्यात आहे.
advertisement
राष्ट्रवादीचे नेतृत्व कुणाकडे?
अजित पवारांच्या यांच्या निधनानंतर राष्ट्रवादी काँग्रेसचे नेतृत्व कोण करणार आणि पक्षाची भविष्यातील वाटचाल कशी असणार, याची चर्चा सुरू झाली आहे. अजित पवार यांच्या माघारीनंतर पवार कुटुंबातील कोणत्या नेत्याकडे पक्षाची सूत्रे जाणार याविषयी चर्चा होत आहेत. प्रादेशिक पक्षावर कुटुंबशाहीचे वर्चस्व आढळून येते. तसेच पवार म्हणजे राष्ट्रवादी आणि राष्ट्रवादी म्हणजे पवार हे रुढार्थाचे समीकरण असल्यामुळे पवार कुटुंबातीलच कुणाहीकडे नेतृत्व जाईल, असे सांगितले जाते.
जयंत पाटील, शशिकांत शिंदे, हर्षवर्धन पाटील यांनी सुनेत्रा पवार यांची भेट घेतली
अजित पवार यांच्यावर अंतिम संस्कार पार पडल्यानंतर बारामतीमधील सहयोग सोसायटीतील निवासस्थानी राष्ट्रवादीचे नेते जयंत पाटील, शशिकांत शिंदे, हर्षवर्धन पाटील यांनी सुनेत्रा पवार यांची भेट घेतली. या सगळ्यात नेत्यांनी सुनेत्रा पवार आणि पार्थ-जय पवार यांचे सांत्वन केले.