राहुल गांधी म्हणाले, "मोदीजी, 5 कोटी टेम्पोतून कोणी पाठवले? तावडे म्हणतात "नालासोपाराला या...

राहुल गांधी यांनी एक्सवर (पूर्वीचे ट्वीटर) व्हिडीओ विरारच्या विवांता हॉटेलमधील सकाळच्या राड्याचा व्हिडीओ शेअर केला आहे. राहुल गांधी म्हणाले, ‘मोदीजी, हे 5 कोटी कोणाच्या तिजोरीतून आले आहेत. जनतेचा पैसा लुटून तो टेम्पोतून तुम्हाला कोणी पाठवला?

त्यावर राहुल गांधींच्या टीकेला तावडेंकडून प्रत्युत्तर देण्यात आले आहे. विनोद तावडे म्हणाले 'राहुल गांधी तुम्ही स्वतः नालासोपारा येथे या, हॉटेलचे सीसीटीव्ही फुटेज बघा, तेथील निवडणूक आयोगाची संपूर्ण कार्यवाही बघा आणि पैसे कसे आले हे सिद्ध करा. कोणतीही माहिती नसताना अशा प्रकारचं वक्तव्य करणं म्हणजे पोरकटपणाचं लक्षणं असंही विनोद तावडे म्हणाले.