Raj Thackeray : 'पुन्हा बांबू लावला तर सगळ्यांच्या बांबू लावेन', टोलनाक्यावर उतरून राज ठाकरेंचा इशारा, Video

ट्राफीकमुळे लोकांची गैरसोय होत असल्याचं पाहून राज ठाकरे स्वत: टोलनाक्यावर गेले आणि त्यांनी अडकलेल्या ऍम्ब्युलन्सला रस्ता करून दिला. यानंतर राज ठाकरे यांनी खास त्यांच्या शैलीत टोलनाक्यावरच्या कर्मचाऱ्याला दम दिला.

पुन्हा बांबू लावला तर सगळ्यांच्या बांबू लावेन मी, एक जरी गाडी अडकली तरी याद राखा. कुठपर्यंत ट्राफीक आहे ते माहिती आहे का? असा इशारा राज ठाकरे यांनी टोल कर्मचाऱ्याला दिला.

advertisement

राज ठाकरे यांच्या मनसेने याआधी टोलच्या मुद्द्यावरून अनेकवेळा आक्रमक आंदोलनं केली आहेत. काहीच दिवसांपूर्वी मुंबई-गोवा हायवेचं काम पूर्ण होत नसल्यामुळे आंदोलन केलं होतं. राज ठाकरे यांच्या इशाऱ्यानंतर मनसेच्या कार्यकर्त्यांनी मुंबई-गोवा हायवेवर अनेक ठिकाणी टोलनाके आणि कंत्राटदाराचं कार्यालयही फोडलं होतं.