पोलिसांनी दिलेल्या माहितीनुसार, भंडाऱ्याहून नागपूरच्या दिशेने जाणाऱ्या बोलेरो वाहनाने समोरच्या वाहनाला ओव्हरटेक करण्याचा प्रयत्न केला. याच वेळी समोरून भरधाव वेगात येणाऱ्या ट्रकने बोलेरोला जोरदार धडक दिली. धडकेचा जोर इतका होता की बोलेरोमधील चार प्रवाशांचा जागीच मृत्यू झाला.
अशोक फुलचंद डेहरवाल (48, नागपूर), शैलेंद्र लेखाराम बघेले (34, खापरी, नागपूर), शैलेश पन्नालाल गोकुळपुरे (40, वायुसेना नगर, नागपूर) आणि मुकेश बिंजेवार (32, वाडी, नागपूर) अशी मृत्युमुखी झालेल्या व्यक्तींची नावं आहेत तर अविनाश नाकतोडे हा युवक गंभीर जखमी झाला असून, त्याच्यावर जिल्हा सामान्य रुग्णालयात उपचार सुरू आहेत.
advertisement
अपघातानंतर महामार्गावरील वाहतूक काही काळ ठप्प झाली होती. अपघाताची माहिती मिळताच पोलिसांनी घटनास्थळी धाव घेतली. मृतदेह आणि जखमींना रुग्णालयात हलवण्यात आले असून, घटनेची नोंद करून पुढील तपास सुरू आहे. या भीषण अपघातामुळे संपूर्ण परिसरात शोककळा पसरली आहे.