सोलापूरमध्ये भाजपला मोठा धक्का; पंढरपूर, मंगळवेढा, अकलूज, करमाळ्यात कमळ कोमेजलं

पंढरपूर नगरपरिषद  

पंढरपुरात भाजपला रोखण्यासाठी इतर पक्षांनी स्थानिक आघाडी केली आहे. पंढरपूर नगर परिषदेत भाजप विरुद्ध शिवसेना शिंदे गट, ठाकरे गट, अजितदादा गट, काँग्रेस यांची तीर्थक्षेत्र विकास आघाडी तसेच राष्ट्रवादी शरद पवार गटाचे आमदार अभिजीत पाटील यांचे विठ्ठल परिवर्तन आघाडी अशी तिरंगी लढत होणार आहे. भाजपतर्फे श्यामल शिरसठ, तीर्थक्षेत्र आघाडी तर्फे प्रणिता भालके तर विठ्ठल परिवर्तन आघाडी तर्फे सारिका साबळे या नगराध्यक्ष पदाच्या उमेदवार असणार आहेत.

advertisement

मंगळवेढा नगरपरिषद 

मंगळवेढ्यात भाजप विरुद्ध राष्ट्रवादी शरद पवार गट अशी लढत होत आहे. यामध्ये शरद पवार गटाला काँग्रेस आणि शिवसेना ठाकरे गटाची साथ असणार आहे. भाजपकडून नगराध्यक्षपदासाठी सुप्रिया जगताप तर राष्ट्रवादी शरद पवार गटाकडून सुनंदा अवताडे यांच्यात लढत होणार आहे

अकलूज नगरपरिषद 

अकलूज मध्ये भाजप विरुद्ध राष्ट्रवादी शरद पवार गट विरुद्ध राष्ट्रवादी अजितदादा गट अशी तिरंगी लढत आहे.माजी आमदार राम सातपुते यांच्या नेतृत्वात भाजप+शिवसेना शिंदे सेनेकडून पूजा कोथमीरे तर मोहिते पाटलांच्या नेतृत्वात राष्ट्रवादी शरद पवार गटाकडून रेश्मा आडगळे तसेच धवलसिंह मोहिते पाटलाच्या नेतृत्वात राष्ट्रवादी अजितदादा गटाकडून देवयानी रास्ते यांच्यात मुख्य लढत असणार आहे.

करमाळा नगरपरिषद 

करमाळा नगराध्यक्षपदासाठी शिवसेना शिंदे गट विरुद्ध भाजप + राष्ट्रवादी अजितदादा गट विरुद्ध सचिन सावंत यांच्या नेतृत्वात स्थानिक आघाडी अशी तिरंगी लढत असणार आहे. भाजपकडून सुनीता देवी तर शिवसेना शिंदे गटाकडून नंदिनी जगताप तसेच शहर विकास आघाडीकडून मोहिनी सावंत यांच्यात मुख्य लढत असणार आहे.

कुर्डुवाडी नगरपरिषद 

कुर्डूवाडी नगर परिषदेत शिवसेना ठाकरे गट विरुद्ध राष्ट्रवादी अजितदादा गट + आठवले गट विरुद्ध भाजप विरुद्ध राष्ट्रवादी शरद पवार गट + शिवसेना शिंदे गट अशी चौरंगी लढत होणार आहे. कुर्डूवाडीत नगराध्यक्ष पदासाठी शिवसेना ठाकरे गटातर्फे जयश्री भिसे, भाजपकडून माधवी गोरे, काँग्रेस कडून मनीषा गवळी तर राष्ट्रवादी अजितदादा गटाकडून सुरेखा गोरे आणि शिवसेना शिंदे गटाकडून समिरून्नीसा मुलाणी यांच्यात मुख्य लढत असणार आहे.