TRENDING:
मिळालेल्या माहितीनुसार, गुरुवारी सकाळची शाळा सुटल्यानंतर दुपारी सुमारे एक वाजण्याच्या सुमारास यश हा आपल्या वर्गातील काही मित्रांसोबत गंगेवाडी येथील गट नंबर २२२/१ मधील बंद पडलेल्या दगडखाणीत पोहण्यासाठी गेला होता. या खाणीमध्ये पावसाचे पाणी साठलेले होते. पोहायला नीट येत नसल्याने यशचा तोल गेला आणि तो घसरून थेट खोल पाण्यात पडला.
इराण युद्ध भडकलं, मद्यप्रेमींचं टेन्शन वाढलं, 'ओली पार्टी' वर संकट, नेमकं कारण काय?
advertisement
सदर खाण सुमारे ७० ते ८० फूट खोल असल्याने काही क्षणातच यश पाण्यात बुडाला. त्याच्या मित्रांनी आरडाओरड करत मदतीसाठी हाका मारल्या, मात्र बघता बघता यश पाण्यात दिसेनासा झाला. या घटनेने परिसरात एकच खळबळ उडाली.
घटनेची माहिती मिळताच सोलापूर येथील अग्निशामक दल आणि आपत्कालीन व्यवस्थापन पथक घटनास्थळी दाखल झाले. त्यांनी पाण्यात शोधमोहीम सुरू केली. मात्र सायंकाळी आठ वाजेपर्यंतही यशचा मृतदेह सापडू शकला नव्हता. अंधार पडल्यामुळे शोधमोहीम राबविण्यात मोठ्या अडचणी येत आहेत.
या ठिकाणी तालुका पोलिस स्टेशनचे पीएसआय घोडके, हेड कॉन्स्टेबल रशीद बाणेवाले, सर्कल अधिकारी माळी, आरिफ हुडीवाले यांच्यासह प्रशासनातील अधिकारी आणि ग्रामस्थ शोधमोहीम राबवत आहेत. कासेगावचे सरपंच आणि ग्रामस्थही घटनास्थळी उपस्थित राहून मदत करत आहेत.दरम्यान, एका निष्पाप चिमुकल्याचा अशा दुर्दैवी घटनेत मृत्यू झाल्याने कासेगाव परिसरावर शोककळा पसरली असून गावकऱ्यांच्या डोळ्यांतून अश्रू थांबत नाहीत.