संभाजी पवळ यांनी सुरू केली मोसंबीची शेती
मराठवाड्यात शेतीसाठी पाण्याची कमतरता आहे. त्यामुळे अनेक शेतकरी उपलब्ध पाण्यावर फळबागांच्या शेतीकडे वळत आहेत. त्यातच येथील हवामान हे मोसंबीच्या शेतीसाठी अनुकूल आहे. त्यामुळे अनेकांचा कल मोसंबीच्या शेतीकडे असतो. बीड तालुक्यातील शिरसमार्ग हे 4 हजार लोकवस्तीचे गाव आहे. येथील शेतकरी संभाजी पवळ यांना 40 एकर शेती आहे. पारंपरिक शेती करताना खर्च वजा जाता हातात काहीच उरत नव्हते. त्यासाठी पवळ यांनी मोसंबी शेतीकडे वळण्याचा निर्णय घेतला.
advertisement
फळांवरील बुरशीमुळे शेतकरी आहेत त्रस्त, ‘हे’ उपाय करतील संकटातून सुटका!
सुरुवातीला 4 एकर मोसंबीची बाग
पारंपरिक शेती परवडत नव्हती म्हणून पवळ यांनी मोसंबीची बाग लावण्याचा निर्णय घेतला. 2002 मध्ये प्रायोगिक तत्त्वावर त्यांनी 4 एकर क्षेत्रावर मोसंबीची लागवड केली. या चार एकर क्षेत्रामधून अधिक उत्पन्न त्यांच्या हातात येऊ लागले. त्यानंतर पवळ यांनी आणखी काही क्षेत्रावर मोसंबीची लावगड करण्याचं ठरवलं. 2011 साली त्यांनी 16 एकर क्षेत्रावर 16×16 या लागवड पद्धतीने जवळपास 2500 न्यू शेंलार या मोसंबी जातीच्या रोपांची लागवड केली. जवळपास या मोसंबीच्या प्रति एकरी लागवड आणि मशागतीसाठी 50 हजार रुपये इतका खर्च आला.
कमी पाण्यात करा 'या' पद्धतीनं लिंबाची शेती, कोणत्याही ऋतूत असते विशेष मागणी, पाहा PHOTOS
20 लाखांचा निव्वळ नफा
संभाजी पवळ यांना मोसंबीच्या शेतीतून चांगला नफा मिळत आहे. गतीवर्षी मोसंबीची तोडणी झाली. जवळपास 2500 झाडातून पवळ यांना 120 टन मोसंबी निघाली. यामधून त्यांना 32 लाख रुपये एवढे उत्पन्न मिळाले. लागवड खर्च वजा जाता त्यांच्या हाती वीस लाख रुपये निव्वळ नफा आला. यंदा देखील मोसंबी तोडणीला आता सुरुवात झाली असून खर्च वजा जाता 15 ते 20 लाख रुपये नफा मिळेल अशी अपेक्षा आहे, असे पवळ यांनी सांगितले.