सरकार टोलवसुलीसाठी ग्लोबल नॅव्हिगेशन सॅटेलाइट सिस्टीम लागू करण्याच्या दिशेने काम करत आहे. हे स्मार्ट कार्ड कसं काम करेल याबद्दल माहिती घेऊ या. यावर अधिकाऱ्यांनी सांगितलं, की जीएनएसएस सिस्टीम पूर्ण देशात लागू होण्यास आणखी काही वेळ लागेल. जीएनएसएस लागू झाल्यानंतर वाहनांमध्ये एक छोटं मशीन लावलं जाईल. गाडी टोल रस्त्यावरून चालल्यानंतर योग्य हिशेबानुसार हे मशीन टोलचं शुल्क कापून घेईल. सॅटेलाइट टोल सिस्टीममध्येही स्मार्ट कार्ड फीचर जोडलं जाईल. त्यामुळे वारंवार प्रवास करणाऱ्या वाहनांचा टोल मंथली पासच्या आधारे कापला जाईल.
advertisement
बँकेपेक्षा बेस्ट रिटर्न देतेय पोस्ट ऑफिसची स्कीम, इतक्या रुपयांपासून गुंतवा पैसे
मंथली पास घेणाऱ्यांना सध्याच्या टोल सिस्टीमनुसारच शुल्क द्यावं लागेल, की त्यांना कोणत्या प्रकारची सवलत द्यावी लागेल, याबद्दल मंत्रालयाच्या सूत्रांनी स्पष्ट उत्तर दिलं नाही; मात्र स्मार्ट कार्ड योजनेअंतर्गत नियमित प्रवास करणाऱ्यांना निश्चितपणे टोल टॅक्समध्ये मोठा दिलासा मिळण्याची अपेक्षा आहे.
Share market: मिडकॅप आणि F&O स्टॉक देतील छप्परफाड कमाई, तुमच्या पोर्टफोलियोमध्ये आहेत का?
तज्ज्ञांच्या म्हणण्यानुसार, हे स्मार्ट कार्ड खासकरून कमर्शियल वाहनांसाठी फायद्याचं ठरेल. कारण कमर्शियल वाहनं दूरच्या अंतराचा प्रवास करतात. यामुळे टोल भरण्याची प्रक्रिया सोपी तर होईलच; पण नियमित प्रवास करणाऱ्यांसाठी खर्चात घटही होईल. सरकारच्या या योजनेवर लवकरच अंतिम निर्णय घेतला जाऊ शकतो. ही योजना लागू होताच देशभरातल्या लाखो वाहनांना टोल टॅक्समध्ये सवलत मिळण्याची शक्यता आहे.