घटनेबाबत अधिक माहिती अशी की, मुबई पुणे एक्स्प्रेस वे वर पनवेल तालुका हद्दीत पंढरपूर येथे जाणाऱ्या बसला रात्री एकच्या सुमारास भीषण अपघात झाला असून बसमध्ये 54 प्रवाशी होते. त्यापैकी 5 जणांचा मृत्यू झाला असून 49 जणांवर उपचार सुरू आहे. जखमींपैकी 7 ते 8 जण गंभीर जखमी असून मृतांचा आकडा वाढण्याची भिती व्यक्त केली जात आहे. जखमी भाविकांवर एमजीएम रुग्णालयात उपचार सुरू आहेत.
advertisement
मुंबई पुणे एक्स्प्रेसवर रात्री एकच्या सुमारास पंढरपूरला जाणाऱ्या बसची धडक एका ट्रॅक्टरला झाल्याने बस थेट रस्त्याच्या खाली पलटी झाली. या भीषण अपघातामध्ये पाच जणांचा मृत्यू झाला असून, 49 जण जखमी झाल्याची माहिती नवी मुंबईचे पोलीस उपायुक्त विवेक पानसरे यांनी दिली. सर्व प्रवाशी डोंबिवली निळजे येथील असल्याची माहिती समोर आली असून, घटनेबाबत पुढील तपास सुरू असल्याचं पोलिसांनी सांगितलं.